AMARHUBO 149

₁Haleluya!

Vumani ingoma etja kuSomnini,

idumo lakhe ehlanganweni yabathembekileko.

₂U-Israyeli akathabe kumenzakhe;

abantwana beZiyoni bahlokome eKosinabo.

₃Abadumise ibizo lakaZimabo ngokugida,

bamlilisele abosotjherere namaharibhana.

₄Mbala, uSomnini uyabathabela abantu bakhe;

abathobekileko ubembathisa ukuhlula.

₅Abathembekileko abalilizele ngehlonipho,

bahlokome basemikghadinabo.

₆Ukuphakamisa uZimu akube semaphinjenabo

nesabula ebukhali mahlangothi woke

ayibe sesandleni sabo

₇ukuze bazibuyiselele kebezizwe,

bebahlunguphaze nabantu,

₈babophe amakhosabo ngeenketani

nabosaziwako bakhona ngamakhamandela,

₉baphethe isigwebo kibo sokutloliweko.

Lokhu kulidumo kwabathembekileko bakhe boke.

Haleluya!