AMARHUBO 43

₁Ngihlambulule Zimu,

ujamele indabami ebantwini abangakholwako;

ungisindise kabakhohlisako nabangakalungi

₂ngombana wena unguZimu engiphephela kuye.

Alo, ungilahleleni na?

Kubayini kufuze ngikhambe ngeenzilo,

ngebanga lokugandelelwa zizitha na?

₃Thuma ukukhanya neqiniso lakho,

ukwenze kungirhole.

Kungirholele entabenakho ecwengileko,

okuyindawakho yokuhlala

₄ukuze ngiye e-aldarini lakaZimu,

iye, kuZimu wokuhlokoma kwami.

Nje-ke ngizakudumisa ngeharibha,

wena Zimu onguZimami.

₅Umphefumulwami udaneleni,

uyaluzelani ngaphakathi kwami na?

Angiqalelele kuZimu

ngombana ngizamdumisa godu,

yena omsindisami noZimami.