AMARHUBO 47

₂Wahlani izandla, noke nina zizwe!

Hlokomelani uZimu ngamezwi wokuthaba.

₃Mbala uSomnini ongoPhezulu, uyasabeka,

umbusi omkhulu ngaphezu kwephasi loke.

₄Wathobisa izizwe ngaphasi kwethu,

iye, iinkoro ngeenkoro

ngaphasi kweenyawo zethu.

₅Wasikhethela ilifa lethu,

igugu lakaJakopo alithandako.

₆UZimu wenyuka ngokuhlokoma,

iye, uSomnini ukhuphuka ngomdumo wepalapala.

₇Dumisani uZimu, dumisani!

Iye, dumisani iKosethu, dumisani!

₈Mbala uZimu unguSomnini wephasi loke,

mdumiseni ngokuzwisisa!

₉UZimu ubusa ngaphezu kwabantu.

UZimu uhlezi esihlalweni sakhe esicwengileko.

₁₀Amakhosana wezizwe ayabuthana,

abe nesizwe sakaZimu ka-Abrahamu

ngombana kuZimu aziinhlangu zephasi;

ngalokho uphakanyiswa khulu.