Iinkcukacha ezongezelelweyo

AMARHUBO 54

₁Kumkhaleli; ngesililiso seenara; iMaskili; lakaDavida ₂ekufikeni kwamaZifu lokha nathi kuSawula: “UDavida ubhace hlangana nathi na?”.

₃Zimu, ngisindise ngebizo lakho,

umele amalungelwami ngamandlakho.

₄Yizwa umthandazwami, Zimu,

ubeke indlebe emezwini womlomami

₅ngombana imiqhamuka ingivukele,

iindlova zizumana nomphefumulwami,

zona azimbeki phambili uZimu.

₆Mbala, uZimu umsizami,

uSomandla umsekeli wepilwami.

₇Uzakubuyisela okumbi ezitheni zami,

ngeqiniso lakhe uzazibhubhisa.

₈Ngizakunikela kuwe ngomhlabelo wesihle,

ngidumise ibizo lakho, Somnini,

ngombana lona lihle.

₉Mbala, uSomnini ungisindise

kiwo woke amatshwenyeko;

ilihlo lami liqalela izitha zami phasi.