AMARHUBO 75

₂Siyakudumisa Zimu, siyakudumisa!

Ibizo lakho liseduze nathi;

iimangaliso zakho kufuze kukhulunywe ngazo.

₃Wena uthi: “Ngesikhathi esifaneleko,

ngizakugweba ngeqiniso.

₄Nanyana iphasi lidengezela nabahlali balo,

ngimi obambe iinsika zalo zijame.

₅Ngithi kwabazigqajako, ‘Ningazikhukhumezi!’

Kwabakhohlakeleko ngithi, ‘Ningabi nelunda!

₆Ningabi nelunda kophezulu,

namkha nibe nentanyana nanikhulumako.’ ”

₇Iye, ukuphakanyiswa komuntu akuveli

epumalanga namkha etjingalanga,

ngitjho nerhalawumbeni,

₈kodwana nguZimu ogwebako:

Omunye uyamehlisa, omunye amphakamise.

₉Ngambala esandleni sakaSomnini kukhona ikapho,

iye, ikapho enewayini elibilako

nelengezwe ngeembiliso.

Uqathekela boke abakhohlakeleko bephasi,

basele bebarhuqe

ngitjho nesiminya sehlama yakhona.

₁₀Mina ngizakukhuluma isiphelani

ngikhalele ngoZimu kaJakopo

₁₁ngombana wathi:

“Ngizokususa woke amalunda weenkhohlakali,

kodwana wolungileko azakuphakanyiswa.”