UZAKARIYA 5

₁Ngaqala godu ngabona umsongo ophaphako.

₂Isithunywa sakaSomnini sangibuza sathi: “Ubonani?” Ngaphendula ngathi: “Ngibona umsongo ophaphako, opheze ube mamitha alitjhumi ubude namamitha amahlanu ububanzi.” ₃Sathi kimi: “Lawa manikelela ehlele inarha yoke. Ukuya ngomsongo lo, woke owebako nofunga ibizo lami ngamanga uzakuhlunguphazwa. ₄USomnini uMninimandlawoke uthi,

₅Nje-ke isithunywa sakaSomnini savela sathi kimi: “Qala bona kuzokuvelani.” ₆Ngabuza ngathi: “Yintobani-ke le?”

Saphendula sathi: “Lokhu silulu.” Besangezelela sathi: “Mlandu wenarha yoke-ke lo.”

₇Nje-ke kwasibukululwa isisibekelo somthofi; agu, qalani: Kazi kuhlezi umfazi ngaphakathi! ₈Sathi kimi: “Umfazi lo, ukukhohlakala.” Samgondela ngesilulwini besasibekela ngesisibekelo somthofi.

₉Ngaphakamisa amehlwami, ngabona kuvela abafazi ababili bathiyelele emmoyeni ngeempiko. Iimpiko zabo bezinjengezakanogolantethe. Baphakamisa isilulu saba sesibangeni. ₁₀Ngabuza isithunywa sakaSomnini ngathi: “Abafazaba basisaphi isilulwesi?” ₁₁Sangiphendula sathi: “Kuyokwakhiwa ithempeli eBhabheli, nasele liphelile ukwakhiwa, isilulweso sizakubekwa endundumaneni esemsamo wethempeli.”