ESDRASE 2

₁Ke bana batho ba naha ba kgutlileng kgolehong, ba neng ba isitswe kgolehong Babilona ke Nebukadnesare, morena wa Babilona, ba boetseng ba kgutletse Jerusalema le Juda, e mong le e mong motseng wa habo, ₂ba ileng le Sorobabele: Ke Joshua, Nehemia, Seraia, Reelaia, Mordekai, Bilshane, Mispare, Bigvai, Rehume, le Baana.

Palo ke ena ya banna ba setjhaba sa Iseraele: ₃Bana ba Pereoshe ba kete tse pedi tse nang le lekgolo le le leng le mashome a supileng a metso e mmedi; ₄bana ba Shefathia ba makgolo a mararo a mashome a supileng a metso e mmedi, ₅bana ba Arake ba makgolo a supileng a mashome a supileng a metso e mehlano; ₆baneng ba Joshua, bana ba Pakathe-Moabe ba lesika la Joabe ba kete tse pedi tse nang le makgolo a robileng meno e le mmedi a leshome le metso e mmedi; ₇bana ba Elame ba sekete se nang le makgolo a mabedi a mashome a mahlano a metso e mene; ₈bana ba Satthu ba makgolo a robileng mono o le mong a mashome a mane a metso e mehlano; ₉bana ba Sakkai ba makgolo a supileng a mashome a tsheletseng; ₁₀bana ba Bani ba makgolo a tsheletseng a mashome a mane a metso e mmedi; ₁₁bana ba Bebai ba makgolo a tsheletseng a mashome a mabedi a metso e meraro; ₁₂bana ba Asgade ba sekete se nang le makgolo a mabedi a mashome a mabedi a metso e mmedi; ₁₃bana ba Adonikame ba makgolo a tsheletseng a mashome a tsheletseng a metso e tsheletseng; ₁₄bana ba Bigvai ba kete tse pedi tse nang le mashome a mahlano a metso e tsheletseng; ₁₅bana ba Adine ba makgolo a mane a mashome a mahlano a metso e mene; ₁₆bana ba Athere ba lesika la Esekiase, ba mashome a robileng mono o le mong a metso e robileng meno e le mmedi; ₁₇bana ba Betsai ba makgolo a mararo a mashome a mabedi a metso e meraro; ₁₈bana ba Jora ba lekgolo le nang le leshome le metso e mmedi; ₁₉bana ba Hashume ba makgolo a mabedi a mashome a mabedi a metso e meraro; ₂₀bana ba Gibbare ba mashome a robileng mono o le mong a metso e mehlano; ₂₁bana ba Bethelehema ba lekgolo le nang le mashome a mabedi a metso e meraro, ₂₂banna ba Nethofa ba mashome a mahlano a metso e tsheletseng; ₂₃banna ba Anathothe ba lekgolo le nang le mashome a mabedi a metso e robileng meno e le mmedi; ₂₄bana ba Asmavethe ba mashome a mane a metso e mmedi; ₂₅bana ba Kiryath-Arime, le Kefira, le Beerothe ba makgolo a supileng a mashome a mane a metso e meraro; ₂₆bana ba Rama le Geba ba makgolo a tsheletseng a mashome a mabedi a motso o mong; ₂₇banna ba Mikmashe ba lekgolo le nang le mashome a mabedi a metso e mmedi; ₂₈banna ba Bethele le Ai ba makgolo a mabedi a mashome a mabedi a metso e meraro; ₂₉bana ba Nebo ba mashome a mahlano a metso e mmedi; ₃₀bana ba Magbishe ba lekgolo le nang le mashome a mahlano a metso a tsheletseng; ₃₁bana ba Elame e mong ba sekete se nang le makgolo a mabedi a mashome a mahlano a metso e mene; ₃₂bana ba Harime ba makgolo a mararo a mashome a mabedi; ₃₃bana ba Lode le Hadide le Ono ba makgolo a supileng a mashome a mabedi a metso e mehlano; ₃₄bana ba Jeriko ba makgolo a mararo a mashome a mane a metso e mehlano; ₃₅bana ba Senaa ba kete tse tharo tse nang le makgolo a tsheletseng a mashome a mararo.

₃₆Haele baprista, ya eba bana ba Jedaia, wa ntlo ya Joshua, ba makgolo a robileng mono o le mong a mashome a supileng a metso e meraro; ₃₇bana ba Immere ba sekete se nang le mashome a mahlano a metso e mmedi; ₃₈bana ba Pashkure ba sekete se nang le makgolo a mabedi a mashome a mane a metso e supileng; ₃₉bana ba Harime ba sekete se nang le leshome le metso e supileng.

₄₀Haele Balevi, ya eba bana ba Joshua le Kadmiele, ba lesika la bana ba Hodavia, ba mashome a supileng a metso a mene.

₄₁Haele dibini, ya eba bana ba Asafe ba lekgolo le mashome a mabedi a metso e robileng meno e le mmedi.

₄₂Haele bana ba balebedi ba menyako, ya eba bana ba Shallume, le bana ba Athere, le bana ba Thalmone, le bana ba Akkube, le bana ba Hathitha, le bana ba Shobai; hammoho ba etsa lekgolo le nang le mashome a mararo a metso e robileng mono o le mong.

₄₃Haele Banethinime, ya eba bana ba Tsika, le bana ba Hasufa, le bana ba Thabaothe, ₄₄le bana ba Keroshe, le bana ba Siaha, le bana ba Padone, ₄₅le bana ba Lebana, le bana ba Hagabe, le bana ba Akkube; ₄₆le bana ba Hagabe, le bana ba Shamlai, le bana ba Hanane, ₄₇le bana ba Giddele, le bana ba Gakare, le bana ba Reaia, ₄₈le bana ba Retsine, le bana ba Nekoda, le bana ba Gassame, ₄₉le bana ba Ussa, le bana ba Pasea, le bana ba Besai, ₅₀le bana ba Asna, le bana ba Mehunime, le bana ba Nefusime, ₅₁le bana ba Bakbuke, le bana ba Hakufa, le bana ba Karkure, ₅₂le bana ba Batsluthe, le bana ba Mehida, le bana ba Harsha, ₅₃le bana ba Barkoshe, le bana ba Sisera, le bana ba Thema, ₅₄le bana ba Netsia, le bana ba Hathifa.

₅₅Haele bana ba bafo ba Salomone, ya eba bana ba Sothai, le bana ba Hassoferethe, le bana ba Peruda, ₅₆le bana ba Jaala, le bana ba Darkone, le bana ba Giddele, ₅₇le bana ba Shefathia, le bana ba Hatthile, le bana ba Pokerethe-Hatsebaime, le bana ba Ami.

₅₈Kaofela ha Banethinime le bana ba bafo ba Salomone ya eba makgolo a mararo a mashome a robileng mono o le mong a metso e mmedi.

₅₉Ba bang ke ba tlohileng Thele-Mela, le Thele-Harsha, le Kerub-Addane, le Immere, ba mpa ba sitwa ho supa matlo a bontata bona le lesika la bona le pakang hore ke Baiseraele: ₆₀Ke bana ba Delaia, le bana ba Tobia, le bana ba Nekoda, batho ba makgolo a tsheletseng a mashome a mahlano a metso e mmedi. ₆₁Hape, baneng ba baprista, ya eba bana ba Habaia, le bana ba Hakkotse, le bana ba Barsillai, bao ntata bona a neng a nyetse e mong wa baradi ba Barsillai Mogileade, a mong wa baradi ba Barsillai Mogileade, a bile a bitswa ka lebitso la habo bona. ₆₂Bano ba kile ba batla mangolo a mabitso a bona mangolong a masika, ba mpa ba se ke ba a fumana; ba balwa ke hona e le ba sa hlwekang, mme ba ntshwa bopristeng. ₆₃Mmusisi a ba bolella hore ba se no ja ntho tse halalelang, ho be ho hlahe moprista ya ka emang pela Modimo a tshwere Urime le Thummime.

₆₄Phutheho kaofela, ha e balwa hammoho, ya etsa batho ba kete tse mashome a mane a metso e mmedi tse nang le makgolo a mararo a mashome a tsheletseng, ₆₅kantle ho makgoba a bona a banna le a basadi a neng a etsa dikete tse supileng tse nang le makgolo a mararo a mashome a mararo a metso e supileng; ba makgolo a mabedi ho bona e ne e le dibini tsa banna le tsa basadi. ₆₆Hape, ba ne ba na le dipere tse makgolo a supileng a mashome a mararo a metso e tsheletseng, le dimulete tse makgolo a mabedi a mashome a mane a metso e mehlano, ₆₇le dikamele tse makgolo a mane a mashome a mararo a metso e mehlano, le diesele tse dikete tse tsheletseng tse nang le makgolo a supileng a mashome a mabedi.

₆₈Eitse hobane ba fihle tlung ya Jehova ya Jerusalema, ba bang ba dihlooho tsa matlo a bontata bona ba ntshetsa ntlo ya Jehova dimpho ka ho rata ha bona, hore e tsoswe setsheng sa yona. ₆₉Hape, ka ho ikutlwa matla a bona, ba ntshetsa bobolokelo ba tjhelete tsa mosebetsi didarike tsa kgauta tse dikete tse mashome a tsheletseng a motso o mong, le dimina tsa silefera tse kete tse hlano, le diaparo tse lekgolo tsa baprista.

₇₀Jwale, ke ha baprista, le Balevi, le bao e leng batho feela, le dibini, le balebedi ba menyako, le Banethinime, ba aha metseng ya bona; le Baiseraele bohle ba aha metseng ya bona.