NEHEMIA 11

₁Dihlooho tsa setjhaba, tsona di ne di se di ahile Jerusalema; haele ba bang ba setjhaba, ha laolwa ka lotho hore hara ba leshome e mong a tle a ahe Jerusalema, motseng o halalelang, ba bang ba robileng mono o le mong ba ahe metseng. ₂Setjhaba sa hlohonolofatsa batho bohle ba ithaopileng ka thato ya bona ho aha Jerusalema.

₃Ke tsena dihlooho tsa mathoko tse ileng tsa aha Jerusalema, athe Baiseraele, ba bang, le baprista, le Balevi, le Banethinime, le bara ba bafo ba Salomone, ba ya aha metseng ya Juda, e mong le e mong naheng e ruilweng ke yena, motseng wa hae.

₄Jerusalema, ha aha ba bang ba bana ba Juda le ba bana ba Benjamine. Baneng ba Juda, ya eba Athaia, mora Osiase, mora Sakaria, mora Amaria, mora Shefathia, mora Mahalaleele, wa bana ba Peretse, ₅le Maaseia, mora Baruke, mora Kole-Hose, mora Hasaia, mora Adaia, mora Jojaribe, mora Sakaria, mora Shiloni. ₆Kaofela ha bana ba Peretse ba ahileng Jerusalema e ne e le banna ba bahale ba makgolo a mane a mashome a tsheletseng makgolo a mane a mashome a tsheletseng a metso e robileng meno e le mmedi.

₇Bara ba Benjamine ke bana: Sallu, mora Meshullame, mora Joede, mora Pedaia, mora Kolaia, mora Maaseia, mora Ithiele, mora Esaia. ₈Kamora hae, ya eba Gabbai le Sallai, ba etsa batho ba makgolo a robileng mono o le mong a mashome a mabedi a metso e robileng meno e le mmedi. ₉Joele, mora Sikri, a bewa mohlahlobi wa bona; Juda, mora Hassenua, yena a bewa mohlahlobi wa bobedi motseng.

₁₀Bapristeng, ya eba Jedaia, mora Jojaribe, le Jakine, ₁₁le Seraia, mora Hilkia, mora Meshullame, mora Tsadoke, mora Merajothe, mora Akitube, modisa wa ntlo ya Modimo; ₁₂hammoho le banababo bona ba neng ba etsa tshebeletso ya ntlo, e le batho ba makgolo a robileng meno e le mmedi a mashome a mabedi a metso e mmedi; le Adaia, mora Jerohame, mora Pelalia, mora Amtsi, mora Sakaria, mora Pashkure, mora Malkija, ₁₃le banababo e leng dihlooho tsa matlo a bontata bona, e le batho ba makgolo a mabedi a mashome a mane a metso e mmedi; le Amashai, mora Asareele, mora Aksai, mora Meshillemothe, mora Immere, ₁₄le banababo bona, banna ba bahale, ba neng ba etsa lekgolo le nang le mashome a mabedi a metso e robileng meno e le mmedi; mohlahlobi wa bona e ne e le Sabdiele, mora Gedolime.

₁₅Ho Balevi, ya eba Shemaia, mora Hashube, mora Asrikame, mora Hashabia, mora Bunni, ₁₆le Shabbethai, le Josabade ba neng ba hlahloba mosebetsi wa kantle wa ntlo ya Modimo; e ne e le ba bang ba dihlooho tsa Balevi. ₁₇E mong e ne e le Matthania, mora Mikea, mora Sabdi, mora Asafe, hlooho, ya neng a qala ho phokola thoko thapelong; wa bobedi hara banababo e ne e le Bakbukia; e mong hape e ne e le Abda, mora Shammua, mora Galale, mora Jeduthune. ₁₈Kaofela ha Balevi ba neng ba le motseng o halalelang ba ne ba etsa makgolo a mabedi a mashome a robileng meno e le mmedi a metso e mene.

₁₉Ho balebedi ba menyako, ya eba Akkube, le Thalmone, le banababo bona ba neng ba lebela menyako, ba ne ba etsa lekgolo le nang le mashome a supileng a metso e mmedi.

₂₀Ba bang ba Iseraele, le baprista, le Balevi, ba ne ba ahile metseng yohle ya Juda, e mong le e mong lefeng la hae.

₂₁Banethinime bona ba ne ba ahile leralleng; Tsika le Gishpa e ne e le bahlahlobi ba Banethinime. ₂₂Mohlahlobi wa Balevi ba neng ba le Jerusalema e ne e le Ussi, mora Bani, mora Hashabia, mora Matthania, mora Mikea, wa bara ba Asafe, bao e neng e le dibini tse etsang tshebeletso ya ntlo ya Modimo. ₂₃Hobane bakeng sa bona, morena o ne a laetse hore moputso o beilweng o newe dibini, ka tsatsi le leng le le leng. ₂₄Phethahia, mora Meshesabeele, wa bara ba Sera, mora Juda, o ne a beilwe ke morena ho ela ditaba tsohle tsa setjhaba hloko.

₂₅Haele tsa metse le masimo a yona, bana ba Juda ba bang ba kile ba aha Kiryath-Arba le metseng ya teng, le Dibone le metseng ya teng, le Jekabtseele le metseng ya teng, ₂₆le Jeshua, le Molada, le Bethe-Palethe, ₂₇le Hatsare-Shuale, le Beerseba le metseng ya teng, ₂₈le Tsiklage, le Mekona, le metseng ya teng, ₂₉le Ene-Rimmone, le Tsorea, le Jarmuthe; ₃₀le Sanowa, le Adullame le metseng ya teng, le Lakishe le masimong a teng le Aseka le metseng ya teng. Ba hloma ditente tsa bona ho tloha Beerseba, ho isa kgohlong ya Hinnome. ₃₁Haele bana ba Benjamine, ba aha ho tloha Geba, le Mikmashe, le Aija, le Bethele le metseng ya teng, ₃₂le Anathothe, le Nobe, le Hanania, ₃₃Hatsore, Rama, Gitthaime, ₃₄Hadide, Tseboime, Neballathe, ₃₅Lode, le Ono, le Ge-Harashime. ₃₆Balevi ba bang, ba dikarolong tsa Bajuda, ba ya aha hara Babenjamine.