PESALEME YA 113

₁Bokang Jehova! Rorisang, lona bahlanka ba Jehova, rorisang lebitso la Jehova! ₂Ho bokwe lebitso la Jehova jwale le ka ho sa yeng kae! ₃Lebitso la Jehova a le ke le roriswe, ho nka botjhabela ho isa bophirimela. ₄Jehova o phahamile kahodimo ho ditjhaba kaofela, le kganya ya hae e kahodimo ho mahodimo.

₅Ke mang ya tshwanang le Jehova, Modimo wa rona? O ahile nqalong tse hodimodimo; ₆o inamela ho nyarela mahodimong le lefatsheng. ₇O tsosa ya madimabe leroleng, o ntsha ya lesitsi thotobolong; ₈a tle a ba dudise le mahosana, e, le mahosana a setjhaba sa hae. ₉Mosadi ya nyopileng o etsa hore a be le ntlo, o mo nea le bana bao a thabang ka bona. Bokang Jehova!