PESALEME YA 120

₁Matswalong a ka ke phahamisetsa mehoo ya ka ho Jehova, mme o a nkaraba. ₂Jehova, o lopolle moya wa ka melomong e etsang leshano, le lelemeng le thetsang. ₃Na moputso wa hao keng, mme seo o tla se kotula keng, wena, leleme le leshano? ₄O tla putswa ka metsu e ntjhotjho ya mohale, le ka mashala a hlenneng a sehalahala.

₅Ke madimabe hakakang, ha ke aheletse Mesheke, leha ke dutse ditenteng tsa Kedare! ₆Ke se ke ikaheletse halelele haholo hara ba hloyang kgotso. ₇Ke rata kgotso feela! Empa ha ke bua, ba batla ntwa.