PESALEME YA 128

₁Ho lehlohonolo motho ka mong ya tshabang Jehova, ya tsamayang ditseleng tsa hae. ₂E, o tla ja ditholwana tsa mesebetsi ya matsoho a hao. Menono le lehlohonolo di be ho wena! ₃Mosadi wa hao, kahare ho ntlo ya hao, o jwaloka morara o beang haholo; bara ba hao ba teela tafole ya hao hare, jwaloka mehlwaare e metjha.

₄Bonang, ya tshabang Jehova o tla hlohonolofatswa jwalo! Jehova a ke a o romele mahlohonolo a hae a le Sione! ₅O ke o bone lehlohonolo la Jerusalema ka matsatsi wohle a ho phela ha hao. ₆O tla bona le bana ba bana ba hao. Kgotso e be ho Iseraele!