PESALEME YA 61

₁Modimo, mamela mehoo ya ka, o ele thapelo ya ka hloko. ₂Ke howeletsa ho wena ka pelo e tepeletseng, ke le pheletsong ya lefatshe. O nnyolosetse lefikeng leo ke sitwang ho le hlwa! ₃Hobane o setshabelo sa ka, qhobosheane e matla ya ka pela sera. ₄Ke rata nka ikahella tenteng ya hao ka ho sa yeng kae, ka batla setshabelo sa ka moriting wa mapheo a hao. (Sela.) ₅Hobane, wena Modimo, o utlwile dikano tsa ka, o nneile lefa la ba tshabang lebitso la hao.

₆O eketse matsatsi a morena, o mo fe dilemo ho isa ditloholong le ditloholwaneng; ₇a tle a dule teroneng pela Modimo ka ho sa yeng kae. Lokisa mohau le nnete, di tle di mo lebele! ₈Ebe moo ke rorisang lebitso la hao kamehla, ke ntse ke phetha dikano tsa ka ka matsatsi wohle.