PESALEME YA 75

₁Re a o roka, Modimo, re a o roka; lebitso la hao le pela rona; ho bolelwa meeka ya hao.

₂Etlare hobane ke bee latsatsi la teng, ke tla ahlola ka ho loka. ₃Lefatshe le a tlakasela le ba ahileng ho lona; empa ke nna ke tiisang ditshiya tsa lona. (Sela.)

₄Ke moo ke reng ho baikakasi: Le se ke la ikakasa! le ho banyefodi: Le se ke la phahamisa lenaka la lona. ₅Le se ke la phahamisa lenaka la lona hakalo, le se ke la bua ka bonyefodi, ka melala e sataletseng!

₆Hobane kahlolo ha e tswe botjhabela, leha e le bophirimela, leha e le lefeelleng; ₇empa ke Modimo o ahlolang: o kokobetsa e mong, mme e mong o mo phahamise. ₈Hobane mohope o letsohong la Jehova, veine e phophoma ho wona, e tletse ditswako; o tshela ka wona, mme banyefodi ba lefatshe ba tla nwa ho wona, ba be ba nwe le ditshifa. ₉Haele nna, ke tla nne ke bolele tseo kamehla, ke rorise Modimo wa Jakobo!

₁₀Ke tla roba dinaka tsa ba bolotsana; empa dinaka tsa ba lokileng di tla phahamiswa.