PESALEME YA 85

₁Jehova, o hlohonolofaditse naha ya hao, o kgutlisitse batshwaruwa ba Jakobo; ₂o tlositse makgopo a setjhaba sa hao, o apesitse dibe tsohle tsa sona. (Sela.) ₃O kgutsisitse bohale bohle ba hao, o timile mollo wa kgalefo ya hao.

₄O boele o re ahise, Modimo wa poloko ya rona, o fedise ho itshena ha hao bakeng sa rona. ₅Na o ka re halefela kamehla, wa tiisa bohale ba hao kamehla le mehla na? ₆Na o ke ke wa boela wa re pholosa, hore setjhaba sa hao se tle se o thabele na? ₇Oho Jehova, o re bontshe mohau wa hao, o re sitse ka poloko ya hao.

₈Ke tla mamela se bolelwang ke Modimo Jehova; hobane o re, kgotso e be ho setjhaba sa wona, le ho bakgethwa ba hae, ba mpe ba se ke ba kgutlela bohlanyeng! ₉Ruri, poloko ya wona e haufi le ba o tshabang, kganya e tle e ahe naheng ya rona. ₁₀Mohau le nnete di teane, ho loka le kgotso di akane; ₁₁nnete e mela lefatsheng, mme ho loka ho tadimile ho le mahodimong. ₁₂Efela, Jehova o tla nea lehlohonolo, naha ya rona e ntshe ditholwana tsa yona. ₁₃Ho loka ho tla tsamaya pela hae, ho re etsetsa tsela mehlaleng ya hae.