PESALEME YA 87
Tswalo ya bobedi ya ditjhaba.
Pesaleme ya bana ba Kore. Sefela.
1Moaho wa hae o dithabeng tse halalelang; 2Jehova o rata menyako ya Sione ho fetisa meaho ya Jakobo kaofela. 3Taba tsa kganya di boletswe hodima hao, motse wa Modimo. (Sela.)
4Hara ba ntsebang ke tla bala Egepeta le Babilona; Filestia ke eo le Tire, le Ethiopia; di tswaletswe teng.
5Bakeng sa Sione ho tla thwe: E mong le e mong o tswaletswe teng. Mookamedi ya phahameng ke yena ka sebele ya o tiisang. 6Etlare ha Jehova a bala ditjhaba, o tla ngola, a re: Enwa o tswaletswe moo. (Sela.) 7Dibini le dihobedi di tla re: Didiba tsohle tsa ka di ho wena.
© Bible Society of South Africa 1961. Used with permission. All rights reserved.
