AMOSE 2

“Baahi ba Moabe ba ntšitetsoe

ka makhetlo a se na palo,

kahoo ha nka ke ka ba tšoarela;

ba chesitse masapo,

masapo a khosi ea Edomo,

ba a chesa a b'a fetoha molora!

₂Naha ea Moabe ke tla e chesa,

matlo a likoele tsa Keriote

ke a timetse.

Moabe e tla timela ho le morusu,

ho le mokorotlo, ho lla lenaka.

₃'Musi oa Moabe ke tla mo timetsa,

ke 'molaee

le mahosana a hae kaofela,”

“Baahi ba Juda ba ntšitetsoe

ka makhetho a se na palo,

kahoo ha nka ke ka ba tšoarela.

Ba furaletse Molao oa Morena,

ha baa boloka litaelo tsa hae;

ba khelositsoe ke melingoan'a bona,

eo bo-ntat'a bona

ba neng ba e sebeletsa.

₅Naha ea Juda ke tla e chesa,

matlo a likoele tsa Jerusalema

ke a timetse.”

“Baiseraele le bona ba ntšitetsoe

ka makhetlo a se na palo,

kahoo ha nka ke ka ba tšoarela.

Ea lokileng ba mo rekisa chelete,

mofutsana ba mo rekise meqathatso.

₇Ba fokolang ba ba hatakela lihlooho,

ba hatakelle

hlooho tsa bona lerōleng,

batlatlapuoa ba ba hlokele toka.

Mora le ntat'ae ba kopanela seotsoa,

bitso la ka le halalelang

ba le hlompholle joalo.

₈Kathōko ho aletare tsohle

baa robala,

ba robale ka kobo

tse beiloeng paneng.

Ka Tempeleng ea Molimo oa bona

ba noela veine

eo ba lefiloeng ka eona.

₉Ke ne ke timetse Baamore

ba le thibetse tsela,

leha ba ne ba le balelele,

ba le balelele sa likedare,

ba le matla sa lifate tsa lieike.

Tholoana tsa bona ka li felisa,

le metso ea bona ka e fōthōla.

₁₀Ke ne ke le ntše

ka le ntša naheng ea Egepeta,

ka le ntša,

ka le tsamaisa lehoatateng,

ka le tsamaisa

ka lemo tse mashome a mane,

ho ea le nea naha ea Baamore.

₁₁Har'a bara ba lōna

ka hlahisa baporofeta,

har'a bahlankana ba lōna

ka hlahisa bakhethoa.

Na ha ho joalo,

lōna chaba sa Iseraele?”

₁₂“Empa bakhethoa

le ba noesitse veine,

la ba la hanela baporofeta,

la ba hanela ho porofeta.

₁₃“Bonang, ke tla le ripitla,

ke le pilile

sa koloi e qeqeketse haholo.

₁₄Ba lebelo ba ke ke ba phonyoha,

matla a liqhobane a ke ke a li thusa,

le mohlabani a ke ke a ipholosa.

₁₅Ea fulang ka motsu a ke ke a ema,

mohlabani ea lebelo

a ke ke a phonyoha,

le mopalami a ke ke a ipholosa.

₁₆Le bahale ba bahale ba tla baleha,

ba balehe ba le pōōshō

mohl'a tsatsi leo,”