JEREMIA 49

“Na ebe Iseraele ha e na bara?

Na ebe ha e na majalefa?

Ho ea ka'ng

ha ba khumamelang Milekome,

e le bona ba jeleng lefa la Gade?

Ho ea ka'ng ha metseng ea Gade

joale ho se ho phela bona?

₂Bonang, matsatsi aa tla,”

“ao ka 'ona ke tla hlaba mokhosi,

ke o hlabele Raba ea Baamone:

Raba e tla fetoha qubu ea masupi,

metse ea eona e chesoe ke mollo.

Joale Baiseraele ba tla hapa

naha ea bona, ba e hape

ho ba neng ba e hapile pele,”

₃“Bokolla, uena Heshebone,

hobane Ai e timelitsoe!

Hōoeletsang lōna baahi ba Raba!

Aparang tse mahoashe, le hlomohe!

Chalakang, le ee hohle

kahar'a marako,

hobane Milekome,

molingoan'a bona, o tla thōpuoa,

a thōpuoe le baprista

le mahosana a hae.

₄Ho ea ka'ng le ithorisang

ka khohlo tsa lōna,

le ithorisang

ka khohlo tsa lōna tse manoni?

Uena morali ea hlokang botšepehi,

uena ea tšepileng

maruo a hae, ea reng:

‘Ke mang ea tla mphutuhela?’

₅Bona, ke tla u tlisetsa tšabo,

u tšabe bohle ba u pota-potileng,”

“Kaofela ha lōna

le tla lelekoa naheng ena,

ha ho ea tla phutha

baphaphathehi ba lōna.

₆“Hamorao ke tla boela

ke atlehisa Baamone,”

“Na ebe Temana

ha ho sa na bohlale?

Na ba bohlale

ha ba sa na likeletso?

Na bohlale ba bona

bo se bo felile?

₈Khutlang, le balehe,

le ipate ka mahaheng,

lōna baahi ba motse oa Dedane,

hobane ke tla lihela Esau koluoa,

ke mo lihele eona ha ke mo otla.

₉Haeba bakotuli ba morara

ba ka tla ho lōna,

na ba ke ke ba siea makhoahlapiso?

Haeba masholu a ka fihla e le bosiu,

na a ke ke a utsoa a itekanyetsa?

₁₀Ke tla hlobolisa Esau a be feela,

baka tseo a ipatang ho tsona

ke li pepese,

hoo a ke keng a hlola

a tseba ho ipata.

Bana ba hae, bang ka eena,

ba ahisaneng le eena,

bana bohle ba tla timela,

eena a ke ke a hlola a e-ba teng.

₁₁Tlohelang likhutsana tsa lōna,

bophelo ba tsona

ke tla bo sireletsa,

bahlolohali ba lōna

le bona ba ntšepe.”

₁₄Ke fumane molaetsa

o tsoang ho Morena,

leqōsa le rōmetsoe

ho balichaba hore le re:

“Khōbōkanang 'moho

le futuhele Edomo!

Emang, le itokisetse ntoa!”

₁₅“Ke tla le nyenyefatsa,

ke le nyenyefatse har'a balichaba,

batho bona ba le nyelise!

₁₆Boikakaso ba hao bo u thetsitse,

le boikhantšo ba pelo ea hao

bo u thetsitse,

uena ea phelang

ka mafarung a mafika,

uena ea ahileng

maralleng a phahameng.

Le hoja u ahile holimo

joaloka ntsu,

ke tla u theolela tlase,”

₁₇“Edomo e tla fetoha nanaola,

bo-mofeta-ka-tsela ba e makalle,

e fetohe sekhobo sa kamehla eohle,

ba tsote ha ba bona likotlo tsa eona.

₁₈Joalokaha Sodoma le Gomora

li ile tsa timetsoa,

tsa timetsoa le metse

e li pota-potileng,”

“kahoo ha ho ea tla phela ho eona,

ha ho motho ea tla aha motseng oo.

₁₉“Joaloka tau

e tsoang merung ea Jorodane,

e e-tsoa ho ea makhulong a matalana,

ka ho panya ha ntši

Edomo ke tla e leleka,

ke e leleke naheng e le ea eona.

Ba tla sireletsoa ke mang

ha ke ba otla?

Ea ka tšoanang le 'na

ebe ke mang?

Ea ka nkisang khotla

eena ke mang?

Moetapele ke ofe

ea ka nkemang kapele?”

₂₀Ka baka leo,

utloang liqeto tsa Morena,

liqeto tseo a li etselitseng

baahi ba Edomo,

merero eo Morena a e rerileng,

a e rerela baahi ba Temana:

Bacha ba sechaba

ba tla hulanngoa,

ka baka la bona

naha ea bona e senngoe.

₂₁Etlare ha ba e-oa

lefatše le reketle,

seboko sa bona se e'o utloahala,

se utloahale Leoatleng la Lehlaka.

₂₂Ntsu e tla sōlla holimo,

e ubelle,

e thathalatse mapheo a eona,

e a thathalatse holim'a Bosera.

Pelo tsa bahlabani ba Edomo,

ka tsatsi leo,

li tla ka pelo ea mosali,

mosali a kena tlung.

“Baahi ba Hamate le ba Arepade

ba tsielehile,

hobane ba utloile taba tse bohlōkō.

Pelo tsa bona li nyahame haholo,

li tšoenyehile

sa leoatle le tsulubutlana.

₂₄Damaseka e se e fokola,

e phekhohile, e hlanola tlhabela,

tšabo le eona e se e e fihletse;

bohlōkō bo e tšoere

le mahlaba a e tšoere,

mahlaba a kang a mosali,

mosali a kena tlung.

₂₅Jo! Motse o tummeng

o furaletsoe!

Motse oa Damaseka

o nkhahlang haholo!

₂₆Ruri bahlankana ba oona

ba tla bolaoa literateng,

bahlabani ba khutsisoe

mohl'a tsatsi leo,”

₂₇“Marako a Damaseka

ke tla a chesa,

qhobosheane tsa Bene-Hadade

ke li timetse!”

“Ema, u futuhele baahi ba Kedare,

baahi ba bochabela u ba timetse.

₂₉U hape tente tsa bona

le mehlape ea bona,

le maphèphè a bona u b'u a nke,

u nke thepa eohle ea bona

le likamele.

Batho ba tla hōoeletsa,

ba re ho bona:

‘Matšabeho

a le pota-potile kahohle!’

₃₀“Balehang kapele, ka ho potlaka!

Ipateng mafurang

Lōna baahi ba Hasore,”

“Nebukadenesare,

khosi ea Babilona,

morero oa ho le futuhela

o se a o rerile,

moralo oa ho le futuhela

o se a o ralile.

₃₁“Emang le futuhele

chaba se iketlile,

chaba se iphelela

se e-na le letšepa,

chaba se se nang likhoro,

se se nang le mekoallo,

chaba se iphelelang

se le inotši feela,”

₃₂“Kamele tsa sona

e tla ba lelobelo,

mehlape ea sona e mengata

e tla hapuoa.

Ba bakeng tse hōle

ke tla ba qhalanyetsa hohle,

ke ba lihele koluoa

ka mahlakore 'ohle,”

₃₃“Hasore e tla fetoha

lehae la liphokojoe,

e be nanaola ea kamehla eohle;

ha ho na motho

ea tla phela ho eona,

ha ho na motho

ea tla aha ho eona.”

₃₅Morena oa mabōtho o bua tjena:

“Bona, seqha sa Baelame

ke tla se roba,

e leng sona se ba matlafalitseng.

₃₆Ke tla ba pèpètla

ka meea e hlaha hohle,

e hlaha qoleng tse 'ne tsa lefatše.

ke tla ba qhalanyetsa

qoleng tse 'ne tsa lefatše,

ha ho na le sechaba le se seng

seo baphaphathehi ba Elame

ba sa tl'o fihla ho sona.

₃₇Baelame ke tla ba qhemetsa,

ke ba qhemetse

mahlong a lira tsa bona,

mahlong a ba batlang ho ba bolaea;

ke tla lihela koluoa holim'a bona,

ke ba lihele khalefo ea ka,

khalefo e tlōkōmang,”

“Ke tla rōmela mara

a ba phalalise,

a ba phalalise ka sabole,

a ba timetse.

₃₈Ke tla hloma terone ea ka Elame,

ke timetse khosi ea eona

le mahosana a eona,”

₃₉“Empa ke tla boela

ke atlehisa Elame,

ke e atlehise

ka matsatsi a tlang,”