LIPESALEMA 120

Ke ipiletsa ho Morena,

ha ke le matšoenyehong,

'me oa nkaraba.

₂Morena, ak'u 'namolele

molomong oa ea leshano,

le lelemeng la ea thetsang.

₃Uena ea leleme le thetsang,

u tla neoa eng, u ekeletsoe eng?

₄U tla neoa metsu ea mohale,

metsu e nchocho,

e tsoang mashaleng a hlenneng,

mashala a sehalahala.

₅Ho malimabe 'na

ka ho jaka Mesheke,

ka ho aha har'a litente tsa Kedare.

₆Ke nako e telele haholo

ke ahile har'a ba hloileng khotso.

₇'Na ke motho oa khotso,

empa ha ke bua ka khotso,

bona ba batla ntoa.