LIPESALEMA 149

₁Haleluja!

Binelang Morena sefela se secha,

le mo rorise

phuthehong ea batšepuoa ba hae.

₂Iseraele a ke a thabe,

a thabele 'Mōpi oa hae,

bana ba Sione

ba nyakallele Khosi ea bona.

₃Ba ke ba rorise lebitso la hae,

ba le rorise ka mehobelo,

ba mo roke ka moropa le ka harepa.

₄Morena o khahloa ke sechaba sa hae,

o tlotlisa bahlōphehi

ka ho ba pholosa.

₅Batšepuoa ba hae ba thabe,

ba be motlōtlō,

ba mo etsetse litlatse

leha ba robetse.

₆Ba tumise Molimo

ka melomo ea bona,

ba ntse ba tšoere sabole,

sabole e sehang kamahohle;

₇ba tle ba iphetetse ho balichaba,

ba lihele kotlo holim'a merabe;

₈ba tlame khosi tsa eona

ka mahlaahlela,

le bahlomphehi ba eona

ka liketane;

₉ba ba lihele kahlōlo

e seng e ngotsoe.

Ke bona he,

boitumelo ba batšepuoa ba hae.

Haleluja!