LIPESALEMA 30

₂Kea u tumisa, Morena,

hobane u mpholositse;

ha ua ka ua tlohela lira tsa ka

ho ithabisa ka 'na.

₃Morena Molimo oa ka, ka ipiletsa,

ka ipiletsa ho uena,

'me ua mpholisa.

₄Morena, u 'nyolotse

Qalong ea Bafu,

ua nkhutlisa

ho ba neng ba theohela lebitleng.

₅Rokang Morena,

lōna batšepuoa bohle ba hae,

le boke lebitso la hae le halalelang.

₆Khalefo ea hae

ke ea motsotsoana feela,

lerato la hae

ke la bophelo bohle ba motho.

Leha nka robala ka meokho,

ha bo e-sa e se e le nyakallo.

₇Ha ke ne ke sa iketlile, ka na ka re:

“Nke ke ka sisinngoa le ka mohla!”

₈Morena, ka mohau oa hao

u ntširelelitse qhobosheaneng;

eare ha u mpatela fahleho sa hao,

ka tšoha haholo.

₉Ka ipiletsa ho uena Morena,

ka etsa thapeli ho Morena, ka re:

₁₀“U ka rua'ng ka mali a ka,

le ka ho theohela ha ka lebitleng?

Na bafu ba ka u boka,

kapa ba bolela botšepehi ba hao?

₁₁Ak'u nkutloe, Morena,

'me u nkhauhele;

Morena, ak'u be mothusi oa ka!”

₁₂Bofifi ba ka u bo fetotse mohobelo;

u ntlhobolisitse thapo,

ua nkapesa seaparo sa thabo,

₁₃e le hore moea oa ka

o tle o u roke o sa khaotse;

Morena Molimo oa ka,

ke tla u boka kamehla le mehla.