LIPESALEMA 4

₂Oho, Molimo,

mosireletsi oa litokelo tsa ka,

ak'u nkarabe ha ke ipiletsa ho uena.

U ntokolotse matšoenyehong a ka;

nkhauhele, u mamele thapelo ea ka.

₃Lōna batho ting!

le tla ntlontlolla ho fihlela neng,

le rate mafeela,

le mathele mashano?

₄Tsebang hore Morena

o etsetsa motšepuoa oa hae

tse hlollang,

Morena oa 'mamela

ha ke ipiletsa ho eena.

₅Tšabang Molimo,

le se hlole le etsa sebe;

thōlang, 'me le thuise tsena

ka lipelong,

le li thuise ha le le Liphateng.

₆Nyehelang ka mahlabelo

ka mokhoa o lokelang,

le nyehele ka 'ona,

le tšepe Morena.

₇Ba bangata ba re:

“Re tla fumantšoa lehlohonolo

ke mang?”

Oho, Morena,

re phuthollele sefahleho sa hao.

₈U thabisitse pelo ea ka

ho feta mohla batho

ba atetsoeng ke koro le veine.

₉Ke tla ithoballa ka khotso,

ke khalehe hang-hang,

hobane Morena ke uena feela,

ke uena feela

ea ntšireletsang kahohle.