Bara ba Levi
1Bana ke bara ba Levi: Gereshone, le Kohate, le Merari. 2Bara ba Kohate ke Amorame, le Isihare, le Heborone, le Usiele. 3Bana ba Amorame ke Arone, le Moshe, le Meriama; bara ba Arone ke Nadabe, le Abihu, le Eleasare, le Itamare.
4Eleasare a tsoala Finease, Finease a tsoala Abishua, 5Abishua a tsoala Buki, Buki a tsoala Usi, 6Usi a tsoala Seraea, Seraea a tsoala Meraote, 7Meraote a tsoala Amariea, Amariea a tsoala Ahitube, 8Ahitube a tsoala Sadoke, Sadoke a tsoala Ahimase, 9Ahimase a tsoala Asariea, Asariea a tsoala Johanane, 10Johanane a tsoala Asariea. Enoa ke eena ea neng a sebeletsa ka Tempeleng eo Solomone a ileng a e haha Jerusalema.
11Asariea a tsoala Amariea, Amariea a tsoala Ahitube, 12Ahitube a tsoala Sadoke, Sadoke a tsoala Shalōme, 13Shalōme a tsoala Hilekiea, Hilekiea a tsoala Asariea, 14Asariea a tsoala Seraea, Seraea a tsoala Jehosadaka. 15Jehosadaka ea e-ba mothōpuoa ha Morena a etsa hore Nebukadenesare a thōpe Juda le Jerusalema.
16Bana ke bara ba Levi: Gereshone, le Kohate, le Merari. 17Ana ke mabitso a bara ba Gereshone: Lebeni, le Shimei. 18Bana ke bara ba Kohate: Amorame, le Isihare, le Heborone, le Usiele. 19Bana ke bara ba Merari: Mahele le Mushi. Ana ke 'ona malapa a morabe oa Levi, ho ea ka bo-ntat'a bona.
20Ba lelapa la Gereshone: Gereshone a tsoala Lebeni, Lebeni a tsoala Johate, Johate a tsoala Simma, 21Simma a tsoala Jōoa, Jōoa a tsoala Ido, Ido a tsoala Sera, Sera a tsoala Jeaterai. 22Bara ba Kohate: Kohate a tsoala Aminadabe, Aminadabe a tsoala Kora, Kora a tsoala Asire, 23Asire a tsoala Elekana, Elekana a tsoala Abiasafo, Abiasafo a tsoala Asire, 24Asire a tsoala Tahate, Tahate a tsoala Uriele, Uriele a tsoala Usiea, Usiea a tsoala Shaule. 25Bara ba Elekana ke Amasai le Ahimote, 26Ahimote a tsoala Elekana, Elekana a tsoala Sofai, Sofai a tsoala Nahate, 27Nahate a tsoala Eliabe, Eliabe a tsoala Jerohame, Jerohame a tsoala Elekana, Elekana a tsoala Samuele. 28Bara ba Samuele: Joele ke letsibolo la hae, a hlahlangoa ke Abiea. 29Bara ba Merari: Merari a tsoala Mahele, Mahele a tsoala Lebeni, Lebeni a tsoala Shimei, Shimei a tsoala Usa, 30Usa a tsoala Shima, Shima a tsoala Hagiea, Hagiea a tsoala Asaea.
Libini tsa Tempele
31Bana ke banna bao Davida a ileng a ba khetha ho tsamaisa 'mino ka Tempeleng ea Morena, kamora' hoba areka e fihle Jerusalema. 32Ha Solomone a e-s'o ka a haha Tempele ea Morena, Jerusalema, ba ne ba ee ba binele kapele ho areka, ka Tenteng ea Morena. Ba ne ba bina ka ho hlahlamana, ho latela lenane le neng le hlophisitsoe.
33Bana ke bona banna ba neng ba sebeletsa, hammoho le bara ba bona: Ba morabe oa Kohate: Hemane oa kheleke ke mora oa Joele, setlōhōlō sa Samuele, 34Samuele mora oa Elekana, Elekana mora oa Jerohame, Jerohame mora oa Eleele, Eleele mora oa Tōoa, 35Tōoa mora oa Sufe, Sufe mora oa Elekana, Elekana mora oa Mahate, Mahate mora oa Amasai, 36Amasai mora oa Elekana, Elekana mora oa Joele, Joele mora oa Asariea, Asariea mora oa Sofonea, 37Sofonea mora oa Tahate, Tahate mora oa Asire, Asire mora oa Abiasafo, Abisafo mora oa Kora, 38Kora mora oa Isihare, Isihare mora oa Kohate, Kohate mora oa Levi, Levi mora oa Iseraele.
39Ea neng a bina a eme ka letsohong le letona la Hemane, ke Asafo: Asafo mora oa Berekiea, Berekiea mora oa Shima, 40Shima mora oa Mikaele, Mikaele mora oa Baaseea, Baaseea mora oa Malakiea, 41Malakiea mora oa Eteni, Eteni mora oa Sera, Sera mora oa Adaea, 42Adaea mora oa Etane, Etane mora oa Simma, Simma mora oa Shimei, 43Shimei mora oa Johate, Johate mora oa Gereshone, Gereshone mora oa Levi.
44Bana babo bona, e leng bara ba Merari, ba neng ba bina ba le ka letsohong la hae le letšehali ke Etane mora oa Kishi, Kishi mora oa Abade, Abade mora oa Malōke, 45Malōke mora oa Hashabiea, Hashabiea mora oa Amasiea, Amasiea mora oa Hilekiea, 46Hilekiea mora oa Amasi, Amasi mora oa Bani, Bani mora oa Shemere, 47Shemere mora oa Mahele, Mahele mora oa Mushi, Mushi mora oa Merari, Merari mora oa Levi.
48Balevi ba bang ba ne ba abetsoe mesebetsi e meng eohle ka Tenteng ea Morena.
Litlōhōlō tsa Arone
49Bo-Arone le litlōhōlō tsa hae e ne e le bona ba etsetsang nyehelo ea secheso holim'a aletare ea mahlabelo, ba chesetsang le mokubetso holim'a aletare ea mokubetso. Ba ne ba bile ba etsa tsohle tse neng li etsoa ka Sehalalelong se halalelang ka ho fetisisa, ba etsetsa Iseraele tefelo ea libe, ho latela tsohle tseo Moshe, mohlanka oa Molimo, a neng a li laetse.
50Bana ke bara ba Arone: Arone a tsoala Eleasare, Eleasare a tsoala Finease, Finease a tsoala Abishua, 51Abishua a tsoala Buki, Buki a tsoala Usi, Usi a tsoala Seraea, 52Seraea a tsoala Meraote, Meraote a tsoala Amariea, Amariea a tsoala Ahitube, 53Ahitube a tsoala Sadoke, Sadoke a tsoala Ahimase.
Libaka tsa Balevi
54Ena ke meeli ea libaka tseo ba morabe oa Kohate, e leng litlōhōlō tsa Arone, ba ileng ba li abeloa ka lōtho, 'me ba haha ho tsona.
55Ba ile ba abeloa Heborone e naheng ea Juda, le makhulo a e pota-potileng. 56Empa ha e le masimo a motse le metsana ea eona, a ile a abeloa Kalebe, mora oa Jefune.
57Bara ba Arone ba neoa metse ena e naheng ea Juda: Heborone, motse oo ho tšabeloang ho oona, le Lebena le makhulo a eona, le Jatire le makhulo a eona, le Eshetemoa le makhulo a eona, 58le Hilene le makhulo a eona, le Debiri le makhulo a eona, 59le Ashane le makhulo ea eona, le Bete-Shemeshe le makhulo a eona. 60Naheng ea ba morabe oa Benjamine ba abeloa Geba le makhulo a eona, le Alemete le makhulo a eona, le Anatote le makhulo a eona.
Kaofela metse ea bona, ho ea ka malapa abo bona, e ne e le leshome le metso e meraro.
61Ba bang ba morabe oa Kohate ba abeloa ka lōtho metse e leshome naheng e abetsoeng karolo ea ba morabe oa Manase.
62Litlōhōlō tsa Gereshone, ho ea ka malapa abo tsona, tsa abeloa metse e leshome le metso e meraro naheng ea ba morabe oa Isakare, le ho ea ba morabe oa Ashere, le ho ea ba morabe oa Nafthali, le ho ea ba morabe oa Manase, ba ahileng Bashane.
63Litlōhōlō tsa Merari, ho ea ka malapa abo tsona, tsa abeloa metse e leshome le metso e 'meli naheng ea ba morabe oa Rubene, le oa Gade, le oa Sebulone, tsa e abeloa ka lōtho.
64Bana ba Iseraele ba abela Balevi metse ena le makhulo a eona. 65Metse ena e seng e boletsoe ka mabitso, e neng e le ea ba morabe oa Juda, le oa Simeone, le oa Benjamine, ba e abeloa ka lōtho.
66Ba bang ba morabe oa Kohate ba abeloa metse naheng ea ba morabe oa Efraime.
67Ba abeloa metse eo ho tšabeloang ho eona, e leng Shekeme e naheng e maralla ea Efraime, le makhulo a eona, le Gesere le makhulo a eona, 68le Jokomeame le makhulo a eona, le Bete-Horone le makhulo a eona, 69le Aiealone le makhulo a eona, le Gate-Rimone le makhulo a eona.
70Naheng e abetsoeng karolo ea ba morabe oa Manase ba abeloa Anere le makhulo a eona, le Bileame le makhulo a eona. Metse ena ea abeloa malapa a setseng a ba morabe oa Kohate.
71Ba morabe oa Gereshone ba abeloa metse ena: Naheng e abetsoeng karolo ea ba morabe oa Manase ba abeloa Golane e Bashane le makhulo a eona, le Ashetarote le makhulo a eona. 72Naheng e abetsoeng ba morabe oa Isakare ba abeloa Kedeshe le makhulo a eona, le Daberate le makhulo eona, 73le Rama le makhulo a eona, le Anema le makhulo a eona. 74Naheng e abetsoeng ba morabe oa Ashere ba abeloa Mashala le makhulo a eona, le Abadone le makhulo a eona, 75le Hukoke le makhulo a eona, le Rehobe le makhulo a eona. 76Naheng e abetsoeng ba morabe oa Nafthali ba abeloa Kedeshe e Galelea le makhulo a eona, le Hamone le makhulo a eona, le Kiriataime le makhulo a eona.
77Naheng ea ba morabe oa Sebulone, karolo e setseng ea ba morabe oa Merari ea abeloa Rimone le makhulo a eona, le Tabore le makhulo a eona. 78Mose oane ho Jorodane, ka bochabela ho Jeriko, naheng ea ba morabe oa Rubene, ba abeloa Besere e lehoatateng le makhulo a eona, le Jahasa le makhulo a eona, 79le Kedemote le makhulo a eona, le Mefaata le makhulo a eona. 80Naheng ea ba morabe oa Gade ba abeloa Rama e Gileade le makhulo a eona, le Mahanaime le makhulo a eona, 81le Heshebone le makhulo a eona, le Jasere le makhulo a eona.
