BAHEBERU 5

₁Moprista e mong le e mong e Moholo o khethiloe har'a batho, o beetsoe ho sebeletsa Molimo sebakeng sa bona, hore a tle a nyehele ka limpho le ka mahlabelo ka baka la libe. ₂Erekaha le eena a imetsoe ke mefokolo e mengata, a ka ba le hona ho qenehela ba sa tsebeng le ba khelohileng. ₃Kaha le eena a fokola, o tšoanetse ho nyehela ka mahlabelo ka baka la libe, e seng tsa sechaba feela, empa le ka baka la tsona tsa hae.

₄Ha ho ea ka inkelang tlōtla eo, hobane motho o bitsoa ke Molimo, joaloka Arone. ₅Ka mokhoa o joalo le eena Kreste ha aa ka a inkela tlōtla ea ho ba Moprista e Moholo, empa o entsoe eena ke ea itseng:

₇Kreste, ha a ntse a phela lefatšeng, o ile a hlahisa lithapelo le likōpo ka mehoo le ka meokho ho Molimo, ea neng a ka mo pholosa lefung, 'me kaha a ne a ikokobelitse, Molimo o ile a mo mamela. ₈Empa leha e ne e le Mora oa Molimo joalo, ka mahlōkō a hae o ile a ithuta ho mamela. ₉Ha a se a entsoe ea phethehileng, e bile mohloli oa pholoho e sa feleng ho bohle ba mo mamelang, ₁₀'me Molimo a mo phatlalatsa e le Moprista e Moholo joaloka Meleki-Sedeke.

₁₁Li ngata tseo re ka li bolelang ka taba ena, empa ho thata ho le hlalosetsa tsona, hobane le lenama ho mameleng. ₁₂Le ka be le se le le ba rutang ba bang joale, empa le sa ntse le hloka ho rutoa hape lithuto tsa ho qala tsa lentsoe la Molimo. Bakeng sa hore le je lijo tse thata, le sa ntse le hloka ho ja lebese. ₁₃Bohle ba feptjoang ka lebese e sa le masea, ba sitoa ho tseba ho nepahetseng. ₁₄Athe lijo tse thata ke tsa batho ba baholo, ba seng ba ithutile ho hlalohanya botle le bobe.