JEREMIA 50

₂“Bolelang le phatlalatse

har'a lichaba,

phahamisang mokhèlè,

le phatlalatse,

le se pate letho,

le bolele, le re:

‘Babilona e tla hapuoa,

Bele oa molingoana

a hlabisoe lihlong,

Maraduke oa molingoana

a tlale tšabo.

Melimo ea bohata

e tla hlabisoa lihlong,

melingoana ea Babilona

e tlale tšabo.’

₃Chaba se tsoang lebōea

se tla e futuhela,

se fetole naha ea Babilona

e be nanaola.

Ha ho na ea tla phela ho eona,

ho tla baleha batho le liphoofolo.”

₄“Matsatsing ao, ka eona nako eo,”

“Baiseraele le Bajuda ba le 'moho,

ba tla batla Morena,

Molimo oa bona, ka likhapha.

₅Ba tla botsa tsela e eang Sione,

fahleho tsa bona li talime tseleng eo.

Ba tla tla, ba ineela Morena,

ba etse selekane sa kamehla eohle,

selekane se ke keng

sa hlola se lebaloa.

₆“Sechaba sa ka

ke linku tsa malahleha,

balisa ba sona ba ile ba se khelosa,

ba etsa hore se sōlle holim'a lithaba.

Se lelerile holim'a lithaba le maralla,

sa lebala baka sa sona sa ho phomola.

₇Bohle ba se fumanang

ba itjella sona,

lira tsa sona tsa re:

‘Rōna ha re na molato,

hoba se sitetsoe Morena,

e leng khulo la sona le sebele,

Morena, eena tšepo

ea bo-ntat'a sona.’

₈“Tsoang kahar'a Babilona le balehe,

tlohang naheng ea Bakalatiea,

le be joaloka poli

tse etellang mohlape pele.

₉Ke tla etsa letsoso

har'a naha tse matla,

har'a naha tse matla tsa ka lebōea,

li futuhele Babilona,

li ikentse khokanyan'a phiri.

Li tla thulana le eona

thekōng ea ntoa,

e hapuoe ke chaba

tse hlahang ka lebōea.

Metsu ea tsona

e tla ka mohlabani ea masene,

ea sa ke be a khutle ntoeng

a se na khapo.

₁₀Kahoo Babilona e tla ba lelobelo,

bohle ba e lobelang

ba ikhapele ka ho rata,”

₁₁“Lōna ba lobetseng lefa la ka,

le hoja le thabile, le nyakaletse,

le ralotsa sa sethojana

se qeta ho pōla mabèlè,

le tsetsela joaloka poho tsa lipere,

₁₂'m'a lōna

o tla hlabisoa lihlong haholo,

eena ea le belehileng

o tla tlontloloha;

e tla ba chabana se nyelisehang

har'a lichaba, a fetohe lefeella,

letsoatlare le lehoatata.

₁₃Ka baka la hobane

Morena a halefile,

Babilona ha e ka ke ea e-ba le baahi,

e tla fetoha nanaola kahohle-hohle.

Bo-mofeta-ka-tsela ba tla e makalla!

Ba tsote ha ba bona likotlo tsa eona!

₁₄“Lōna bohle ba fulang ka liqha,

thèang thekō, le pota-pote Babilona,

le e fule, ho se be le motsu o salang,

hobane Babilona e sitetsoe Morena.

₁₅Hlabelang Babilona

mokhosi kahohle!

Ea inehela,

tora tsa eona lia heleha,

le marako a eona aa heletsoa,

hobane phetetso ena ke ea Morena.

Le lōna iphetetseng ho eona,

le e etse seo e se entseng ba bang.

₁₆Felisa mojali Babilona,

le mokotuli ka sekele ea hae a fele.

Ka baka la ho tšaba

sabole ea mohatelli,

motho ka mong

a khutlele chabeng sa habo,

motho ka mong

a balehele naheng ea habo.”

₁₇“Baiseraele

ke mohlape o qhalakaneng,

oo litau li o manakisang.

Oa pele oa ho ba ja

ke khosi ea Asiria,

Nebukadenesare, khosi ea Babilona,

a qetela

ka ho ba bjabjaretsa masapo.”

“Ke tla otla khosi ea Babilona

le naha ea eona,

joalokaha ke otlile khosi ea Asiria.

₁₉Ke tla busetsa Baiseraele

makhulong a bona,

ba fule Karamele,

ba fule le Bashane;

ba fule thabeng ea Efraime,

ba fule le Gileade,

li ba fepe li be li ba khōrise.

₂₀Ka matsasi ao, le ka nako eo,”

“bokhopo ba Baiseraele

bo tla batlisisoa,

empa ha bo ka ke

ba ba ba fumaneha;

le libe tsa morabe oa Juda

li tla batlisisoa,

empa le tsona ha li ka ke

tsa ba tsa fumaneha,

hoba masalla ao ke tla a tšoarela.”

₂₁“Futuhelang naha ea Merataime,

le futuhele le baahi ba Pekode.

Ba phalaliseng, le ba bolaee,

le be le ba timetse ho hang,”

“Taelo tsa ka tsohle

le li phethahatse.

₂₂Har'a naha ho utloahala

mokhosi oa ntoa,

tšenyo ea oona ke e kholo haholo!

₂₃Bonang kamoo noto ea lefatše lohle

e pshatlehileng maqhetsoana kateng!

Kamoo Babilona

e fetohileng nanaola kateng,

ea fetoha nanaola har'a balichaba!

₂₄Uena Babilona

ke u chehetse leraba,

la ba la u tšoasa u sa le ela hloko;

u ile ua fumanoa, 'me ua hapuoa,

hobane u ile ua loana,

ua loantšana le Morena.

₂₅Morena o butse ntlo

ea lihlomo tsa hae,

hlomo tsa khalefo ea hae a li ntša.

Morena Molimo oa mabōtho,

o na le mosebetsi,

mosebetsi oo a o etsang

naheng ea Babilona.

₂₆Futuhelang Babilona

le e-tsoa hohle,

lisiu tsa eona le li qhaqholle;

bokellang tsohle sa setha sa mabèlè,

le li bokelle, le li senyetse ruri,

le se ke la siea leha e le letho!

₂₇Bolaeang bahlabani bohle,

bahlabani ba Babilona,

le ba theolele

moo ba tla hlabeloa teng.

Bomalimabe ba bona

ke bo bokaakang!

Tsatsi la kotlo ea bona

le ba fihletse!

₂₈“Mamelang babalehi

ba phonyohileng Babilona,

ba phatlalatsa Sione

hore Morena oa iphetetsa,

Morena Molimo oa rōna

oa phetetsa,

o phetetsa Tempele ea hae.

₂₉“Bohle ba fulang ka liqha

le ka metsu,

ba bitseng bohle,

ba futuhele Babilona,

ba e etsetse sakana-la-nkōpe,

ba se tlohele le ea mong

a phonyoha.

Putsang Babilona

ka baka la ketso tsa eona,

le e etse seo e il'a se etsa ba bang,

hobane Babilona

e ikhantšelitse Morena,

ea ikhantšetsa

Ea Halalelang oa Iseraele.

₃₀Kahoo bahlankana ba eona

ba tla shoela literateng,

bahlabani ba eona

ba khutsisoe ka tsatsi leo,”

₃₁“Uena Babilona,

moikhantšihali tooe oa motse!

Bona, ke ea u loantša,”

“tsatsi la hao le se le fihlile,

nako ea hore ke u nee kotlo ea hao.

₃₂Moikhantši o tla khōthōmetseha

o be a oe,

ha ho na ea tla mo thusa

ho mo emisa;

ke tla hotetsa mollo

motseng oa hae,

o tla chesa tsohle

tse mo pota-potileng.”

“Sechaba sa Iseraele se hateletsoe,

esita le sona sechaba sa Juda.

Bathōpi ba sona

ba se tšoere ka thata,

ba hana ho se lokolla

hore se tsamaee.

₃₄Empa Mopholosi oa sona o matla,

Morena oa mabōtho

ke lona lebitso la hae,

se tla buelloa ke eena

nyeoeng ea sona.

Lefatše le tla tseba

ho fumana phomolo,

baahi ba Babilona bona

ba hloke khotso.

₃₅“Sabole e supile sechaba,

chaba sa Bakalatiea,”

“Baahi ba Babilona

le bona e ba supile,

e supile babusi ba eona

le bahlalefi!

₃₆E supile baporofeta ba bohata,

baporofeta ba Babilona!

Baporofeta bao ba tla fetoha lithoto.

Bahlabani ba Babilona

le bona e ba supile,

bahlabani bao

ba thōthōmela ke tšabo!

₃₇Sabole e supile

le lipere tsa bona,

ea supa le tsona

kariki tsa bona tsa ntoa;

e supile bohle bao e leng melata,

kaofela ha bona

ba tla fetoha basali!

Sabole e supile

matlotlo a Babilona,

kaofela ha 'ona matlotlo ana

a tla hapuoa!

₃₈Sabole e supile

mehloli ea linōkana,

metsi a tsona a tla psha kaofela,

kahobane naha ena

ke naha ea melingoana,

melingoana e hlantšang batho

ke ho e tšaba!

₃₉“Teng ho tla phela

batana tsa naha le liphokojoe,

limpshe le tsona li phele moo.

Ha ho sa tla hlola

ho e-ba le baahi hape,

ha ho ea tla phela teng

ka mengoaha eohle.

₄₀Joalokaha Sodoma le Gomora

Molimo a n'a li timetse,

a timetsa le metse

e neng e ahelane le tsona,”

“ha ho na motho

ea sa tla phela Babilona,

ha ho na motho

ea tla aha Babilona.

₄₁“Bonang, ho tla tla sechaba

se e-tsoa lebōea,

chaba se matla,

le likhosi tse ngata,

khosi tse phephelitsoeng

li le lipheletsong tsa lefatše.

₄₂Chaba seo se hlometse

ka liqha le ka marumo;

ke chaba se sehlōhō,

chaba se hlokang mohau.

Molumo oa sona

ekare oa leoatle le hoasa.

Chaba seo se tla se palame

lipere tsa sona,

se theile thekō ea ntoa,

se hlometse sa mohlabani,

sea u futuhela,

uena Morali oa Babilona.

₄₃Khosi ea Babilona

e utloetse tsa sechaba seo,

matsoho a eona

a leketlile ke ho tepella;

e tšoeroe ke mahlaba a ho tlalloa,

mahlaba a kang a mosali,

mosali a kena tlung.

₄₄Joaloka tau

e tsoang morung oa Jorodane,

e e-tsoa

ho ea makhulong a matalana,

ka ho panya ha ntši

Babilona e tla lelekoa!

Ba tla sireletsoa ke mang

ha ke ba otla?

Ea ka tšoanang le 'na

ebe ke mang?

Ea ka nkisang khotla

eena ke mang?

Moetapele ke ofe

ea ka nkemang kapele?”

₄₅Ka baka leo,

utloang liqeto tsa Morena,

liqeto tseo a li etselitseng

baahi ba Babilona:

Bacha ba sechaba

ba tla hulanngoa,

ka baka la bona

naha ea bona e senngoe.

₄₆Fatše le tla reketla

ha ho utloahala,

ho utloahala hore Babilona

e se e hapiloe:

Sello sa eona

se tla utloahala har'a balichaba.