Sechaba se baloa khetlo la bobeli
1Kamora' seoa sena, Morena a bua ho Moshe, le ho Eleasare, mora oa moprista Arone, a re: 2“Balang sechaba sohle sa bana ba Iseraele, ka malapa abo bona, ho tloha ka ba nang le lilemo tse mashome a mabeli ho ea holimo, bohle bao e ka bang bahlabani ba Iseraele.”
3Bo-Moshe le moprista Eleasare ba bua le sechaba se le liphuleng tsa Moabe, pel'a Jorodane, mabapa le Jeriko, ba re: 4“Balang sechaba sohle, ho tloha ka ba lilemo tse mashome a mabeli ho ea holimo, joalokaha Morena a laetse Moshe.”
Bana ke bana ba Iseraele ba neng ba e-tsoa naheng ea Egepeta:
5Rubene, letsibolo la Jakobo. Bara ba Rubene ke Hanoke, ea tsoetseng morabe oa Hanoke; le Palō, ea tsoetseng morabe oa Palō, 6le Heserone, ea tsoetseng morabe oa Heserone; le Karimi, ea tsoetseng morabe oa Karimi. 7Ana ke malapa a morabe oa Rubene, 'me ba ileng ba baloa ea e-ba likete tse mashome a mane le metso e meraro le makholo a supileng le mashome a mararo.
8Mora oa Palō e ne e le Eliabe. 9Bara ba Eliabe e ne e le Nemuele, le Datane, le Abirame. Datane le Abirame ke bona ba neng ba khethiloe ke sechaba, 'me ke bona ba kileng ba loantša Moshe le Arone, ba e-na le ba sehlopha sa Kora, ha bao ba ne ba fetohela Morena. 10Lefatše le ile la ahlama, 'me la ba koenya 'moho le Kora, ha sehlopha seo se e-shoa. Ke mohl'a mollo o timetsang batho ba makholo a mabeli le mashome a mahlano. Hona ea e-ba sesupo ho sechaba. 11Empa bara ba Kora bona ha baa ka ba e-shoa.
12Bara ba Simeone, ho ea ka malapa abo bona, ke Nemuele, ea tsoetseng morabe oa Nemuele; le Jamine, ea tsoetseng morabe oa Jamine; le Jakine, ea tsoetseng morabe oa Jakine; 13le Sera, ea tsoetseng morabe oa Sera; le Shaule, ea tsoetseng morabe oa Shaule. 14Ana ke malapa a morabe oa Simeone. Palo ea bona e ne e le likete tse mashome a mabeli le metso e 'meli le makholo a mabeli.
15Bara ba Gade, ho ea ka malapa abo bona, ke Sefone, ea tsoetseng morabe oa Sefone; le Hagi, ea tsoetseng morabe oa Hagi; le Shuni, ea tsoetseng morabe oa Shuni; 16le Oseni ea tsoetseng morabe oa Oseni; le Eri, ea tsoetseng morabe oa Eri; 17le Arode, ea tsoetseng morabe oa Arode; le Arele, ea tsoetseng morabe oa Arele. 18Ana ke malapa a morabe oa bara ba Gade, 'me ho ea ka ba baliloeng e ne e le likete tse mashome a mane le makholo a mahlano.
19Bara ba Juda ke Ere le Onane. Ere le Onane ba ile ba shoela naheng ea Kanana. 20Bara ba Juda, ho ea ka malapa abo bona, ke Shela, ea tsoetseng morabe oa Shela; le Perese, ea tsoetseng morabe oa Perese; le Sera, ea tsoetseng morabe oa Sera. 21Bara ba Perese e ne e le Heserone, ea tsoetseng morabe oa Heserone; le Hamule, ea tsoetseng morabe oa Hamule. 22Ana ke malapa a morabe oa Juda, 'me ho ea ka ba baliloeng e ne e le likete tse mashome a supileng le metso e tšeletseng le makholo a mahlano.
23Bara ba Isakare, ho ea ka malapa abo bona, ke Tola, ea tsoetseng morabe oa Tola; le Pua, ea tsoetseng morabe oa Pua; 24le Jashube, ea tsoetseng morabe oa Jashube; le Shimerone, ea tsoetseng morabe oa Shimerone. 25Ana ke malapa a morabe oa Isakare, 'me ho ea ka ba baliloeng e ne e le likete tse mashome a tšeletseng le metso e mene le makholo a mararo.
26Bara ba Sebulone, ho ea ka malapa abo bona, ke Serede, ea tsoetseng morabe oa Serede; le Elone, ea tsoetseng morabe oa Elone; le Jahaleele, ea tsoetseng morabe oa Jahaleele. 27Ana ke malapa a morabe oa Sebulone, 'me ho ea ka ba baliloeng e ne e le likete tse mashome a tšeletseng le makholo a mahlano.
28Bara ba Josefa, ho ea ka malapa abo bona, ke Manase le Efraime. 29Bara ba Manase ke Makiri, ea tsoetseng morabe oa Makiri. Makiri ke eena ea tsoetseng Gileade; ha Gileade e le eena ea tsoetseng morabe oa Gileade. 30Bana ke bara ba Gileade: Iesere, ea tsoetseng morabe oa Iesere; le Heleke, ea tsoetseng morabe oa Heleke; 31le Asarele, ea tsoetseng morabe oa Asarele; le Shekeme, ea tsoetseng morabe oa Shekeme; 32le Shemida, ea tsoetseng morabe oa Shemida; le Hefere, ea tsoetseng morabe oa Hefere. 33Selofehade, mora oa Hefere, o ne a se na bara, empa a e-na le barali. Mabitso a barali ba Selofehade e ne e le Mahela, le Nōoa, le Hogela, le Mileka, le Tiresa. 34Ana ke malapa a Manase, 'me ho ea ka ba baliloeng e ne e le likete tse mashome a mahlano le metso e 'meli le makholo a supileng.
35Bana ke bara ba Efraime, ho ea ka malapa abo bona: ke Shutela, ea tsoetseng morabe oa Shutela; le Bekere, ea tsoetseng morabe oa Bekere; le Tahane, ea tsoetseng morabe oa Tahane. 36Mora oa Shutela ke Erane, ea tsoetseng morabe oa Erane. 37Ana ke malapa a bara ba Efraime, 'me ho ea ka ba baliloeng e ne e le likete tse mashome a mararo le metso e 'meli le makholo a mahlano. Bana ke bara ba Josefa, ho ea ka malapa abo bona.
38Bara ba Benjamine, ho ea ka malapa abo bona, ke Bela, ea tsoetseng morabe oa Bela, le Ashebele, ea tsoetseng morabe oa Ashebele, le Ahirame, ea tsoetseng morabe oa Ahirame 39le Shefufane, ea tsoetseng morabe oa Shefufane, le Hufame, ea tsoetseng morabe oa Hufame. 40Bara ba Bela e ne e le Arada le Naamane; Arada a tsoala morabe oa Arada; Naamane a tsoala morabe oa Naamane.
41Bana ke bona bara ba Benjamine, ho ea ka malapa abo bona, 'me ho ea ka ba baliloeng e ne e le likete tse mashome a mane le metso e mehlano le makholo a tšeletseng.
42Bara ba Dane, ho ea ka malapa abo bona, ke Shuhame, ea tsoetseng morabe oa Shuhame. Bana ke bara ba Dane, ho ea ka malapa abo bona, 43'me ho ea ka ba baliloeng ba malapa a morabe oa Shuhame e ne e le likete tse mashome a tšeletseng le metso e mene le makholo a mane.
44Bara ba Ashere, ho ea ka malapa abo bona, ke Jimena, ea tsoetseng morabe oa Jimena, le Jishefi, ea tsoetseng morabe oa Jishefi; le Beria, ea tsoetseng morabe oa Beria. 45Bara ba Beria ke Hebere, ea tsoetseng morabe oa Hebere, le Malekiele, ea tsoetseng morabe oa Malekiele. 46Lebitso la morali oa Ashere e ne e le Sera. 47Ana ke malapa a bara ba Ashere, 'me ho ea ka ba baliloeng e ne e le likete tse mashome a mahlano le metso e meraro le makholo a mane.
48Bara ba Nafthali, ho ea ka malapa abo bona, ke Jaheseele, ea tsoetseng morabe oa Jaheseele, le Guni, ea tsoetseng morabe oa Guni, 49le Jesere, ea tsoetseng morabe oa Jesere, le Shileme, ea tsoetseng morabe oa Shileme.
50Ana ke malapa a Nafthali; ho ea ka malapa abo bona, 'me ho ea ka ba baliloeng e ne e le likete tse mashome a mane le metso e mehlano le makholo a mane.
51Palo ea bana ba Iseraele ba baliloeng e ne e le likete tse makholo a tšeletseng le motso o le mong, le makholo a supileng le mashome a mararo.
52Morena a bua ho Moshe, a re: 53“Naha ena ba tla e aroleloa e le lefa la bona, ho ea ka palo ea bona. 54Morabe o nang le batho ba bangata u o abele karolo e kholo, 'me o nang le batho ba 'maloana u o abele karolo e nyenyane ea naha. Morabe o mong le o mong o abeloe lefa ho ea ka palo ea ba baliloeng. 55Feela ba aroleloe naha ena ka lōtho. Ba tla aroleloa naha ena ho ea ka mabitso a merabe ea bo-ntat'a bona. 56Lefa la morabe ka mong, le aroloe ka lōtho, o mong le o mong o abeloe ho ea ka bongata kapa bonyenyane ba palo ea 'ona.”
Balevi ba baloa khetlo la bobeli
57Bana ke Balevi ba ileng ba baloa ho ea ka malapa abo bona: Gereshone ea tsoetseng morabe oa Gereshone; le Kohate, ea tsoetseng morabe oa Kohate; le Merari, ea tsoetseng morabe oa Merari.
58Ana ke malapa a Levi: Lelapa la Lebeni, le lelapa la Heborone, le lelapa la Mahali, le lelapa la Mushi, le lelapa la Kora.
Kohate a tsoala Amarame. 59Lebitso la mosali oa Amorame e ne e le Jokobeta, morali oa Levi, eo 'm'ae a ileng a mo tsoalloa Levi ha a le Egepeta. A tsoalla Amorame Arone le Moshe, le khaitseli ea bona Meriama. 60Arone eena a tsoala Nadabe, le Abihu, le Eleasare, le Itamare. 61Bo-Nadabe le Abihu ba e-shoa ha ba ne ba nyehella Morena ka mollo o sa halaleleng.
62Banna bohle ba ileng ba baloa e ne e le likete tse mashome a mabeli le metso e meraro, ho tloha ka ba nang le khoeli ho ea holimo. Balevi ba ne ba sa balelloa le bana ba Iseraele, hobane ba ne ba sa abeloa lefa har'a bana ba Iseraele.
63Bana ke bona ba ileng ba baloa ke Moshe le moprista Eleasare e leng eena ea neng a bale bana ba Iseraele ha ba le liphuleng tsa Moabe, pel'a Jorodane, mabapa le Jeriko. 64Har'a bona ho ne ho se le ea mong oa ba neng ba baloe ke Moshe le Arone ha ba bala bana ba Iseraele lehoatateng la Sinai. 65Morena o ne a ile a bolela hore ba tla shoela lehoatateng, 'me ho se ke ha sala le ea mong, haese Kalebe, mora oa Jefune, le Joshua, mora oa Nune.
