LIPALO 29

₁“ ‘Ka letsatsi la pele la khoeli ea bosupa, ho tla ba le phutheho e halalelang. Le se ke la sebetsa mosebetsi ofe kapa ofe. Ho lōna e tla ba letsatsi la ho letsa terompeta. ₂Le tla nyehela ka nyehelo ea secheso, e monko o monate, e amohelehang ho Morena; e be pohoana e le 'ngoe, le pheleu e le 'ngoe, le likonyana tse tona tse supileng, tse se nang sepha, tse nang le selemo. ₃Nyehelo ea lijo e tsamaeang le tsona e tla ba ea phofo e thumisehileng, e lubiloeng ka ole; e be likilo tse tharo bakeng sa pohoana, le likilo tse peli bakeng sa pheleu; ₄le kilo e le 'ngoe bakeng sa konyana e 'ngoe le e 'ngoe ea likonyana tse supileng. ₅Le phooko e le 'ngoe ea nyehelo e tlosang sebe, ho u etsetsa tefelo ea sebe. ₆Tsena ho tla nyeheloa ka tsona e le tse eketsang nyehelo ea secheso ea ha khoeli e thoasitse, 'moho le nyehelo ea lijo e tsamaeang le eona; le e eketsang nyehelo ea kamehla ea secheso, 'moho le nyehelo ea lijo e tsamaeang le eona; le linyehelo tsa lino tse tsamaeang le tsona, ho ea ka taelo ea tsona, e le nyehelo ea mollo e monko o monate, e amohelehang ho Morena.

₇“ ‘Ka letsatsi la leshome la khoeli ena ea bosupa, le tla ba le phutheho e halalelang, 'me le itime lijo. Le se ke la sebetsa mosebetsi ofe kapa ofe. ₈Le tla nyehella Morena ka nyehelo ea secheso e monko o monate, e amohelehang ho Morena, e be pohoana e le 'ngoe, le pheleu e le 'ngoe, le likonyana tse tona tse supileng, tse nang le selemo, tse se nang sepha. ₉Nyehelo ea lijo e tsamaeang le tsona e tla ba ea phofo e thumisehileng, e lubiloeng ka ole; e be likilo tse tharo bakeng sa pohoana, le likilo tse peli bakeng sa pheleu e le 'ngoe; ₁₀le kilo e le 'ngoe bakeng sa konyana e 'ngoe le e 'ngoe ea likonyana tse supileng. ₁₁Le phooko e le 'ngoe ea nyehelo e tlosang sebe, e le e eketsang nyehelo ea tefelo e tlosang sebe, le nyehelo ea kamehla ea secheso, le nyehelo ea lijo, le linyehelo tsa lino tse tsamaeang le eona.

₁₂“ ‘Ka letsatsi la leshome le metso e mehlano la khoeli ea bosupa, le tla ba le phutheho e halalelang. Le se ke la sebetsa mosebetsi ofe kapa ofe, 'me le etsetse Morena mokete ka matsatsi a supileng. ₁₃Le tla nyehela ka nyehelo ea secheso, ke ho re nyehelo ea mollo e monko o monate, e amohelehang ho Morena, e be lipohoana tse leshome le metso e meraro, le lipheleu tse peli, le likonyana tse tona tse leshome le metso e mene tse nang le selemo, e be tse se nang sepha. ₁₄Nyehelo ea lijo e tsamaeang le tsona e tla ba phofo e thumisehileng, e lubiloeng ka ole; e be likilo tse tharo bakeng sa pohoana e 'ngoe le e 'ngoe ea lipohoana tse leshome le metso e meraro; le likilo tse peli bakeng sa pheleu e 'ngoe le e 'ngoe ea lipheleu tse peli; ₁₅le kilo e le 'ngoe bakeng sa konyana e 'ngoe le e 'ngoe ea likonyana tse leshome le metso e mene. ₁₆Le phooko e le 'ngoe ea nyehelo e tlosang sebe, e be e eketsang nyehelo ea kamehla ea secheso, le nyehelo ea lijo, le nyehelo ea seno e tsamaeang le eona.

₁₇“ ‘Ka letsatsi la bobeli le tla nyehela ka lipohoana tse leshome le metso e 'meli, le lipheleu tse peli, le likonyana tse tona tse leshome le metso e mene, tse nang le selemo, tse se nang sepha. ₁₈Nyehelo ea lijo le linyehelo tsa seno tse tsamaeang le lipohoana, le lipheleu, le likonyana, e tla lekana le palo ea tsona, ho ea ka taelo. ₁₉Le phooko ea nyehelo e tlosang sebe, e eketsang nyehelo ea kamehla ea secheso, le nyehelo e tlosang sebe, e eketsang nyehelo ea kamehla ea secheso, le nyehelo ea lijo, le linyehelo tsa lino tse tsamaeang le eona.

₂₀“ ‘Ka letsatsi la boraro le tla nyehela ka lipohoana tse leshome le motso o mong, le lipheleu tse peli, le likonyana tse tona tse leshome le metso e mene, tse nang le selemo, tse se nang sepha. ₂₁Nyehelo ea lijo le linyehelo tsa seno tse tsamaeang le lipohoana, le lipheleu, le likonyana, e tla lekana le palo ea tsona, ho ea ka taelo. ₂₂Le phooko e le 'ngoe ea nyehelo e tlosang sebe, e be e eketsang nyehelo ea kamehla ea secheso, le nyehelo ea lijo, le nyehelo ea seno e tsamaeang le eona.

₂₃“ ‘Ka letsatsi la bone le tla nyehela ka lipohoana tse leshome, le lipheleu tse peli, le likonyana tse tona tse leshome le metso e mene, tse nang le selemo, tse se nang sepha. ₂₄Nyehelo ea lijo le linyehelo tsa seno tse tsamaeang le lipohoana, le lipheleu, le likonyana, e tla lekana le palo ea tsona, ho ea ka taelo. ₂₅Le phooko e le 'ngoe ea nyehelo e tlosang sebe, e be e eketsang nyehelo ea kamehla ea secheso, le nyehelo ea lijo, le nyehelo ea seno e tsamaeang le eona.

₂₆“ ‘Ka letsatsi la bohlano le tla nyehela ka lipohoana tse robong, le lipheleu tse peli, le likonyana tse tona tse leshome le metso e mene, tse nang le selemo, tse se nang sepha. ₂₇Nyehelo ea lijo le linyehelo tsa seno tse tsamaeang le lipohoana, le lipheleu, le likonyana, e tla lekana le palo ea tsona, ho ea ka taelo. ₂₈Le phooko e le 'ngoe ea nyehelo e tlosang sebe, e be e eketsang nyehelo ea kamehla ea secheso, le nyehelo ea lijo, le nyehelo ea seno e tsamaeang le eona.

₂₉“ ‘Ka letsatsi la botšelela le tla nyehela ka lipohoana tse robeli, le lipheleu tse peli, le likonyana tse tona tse leshome le metso e mene, tse nang le selemo, tse se nang sepha. ₃₀Nyehelo ea lijo le linyehelo tsa seno tse tsamaeang le lipohoana, le lipheleu, le likonyana, e tla lekana le palo ea tsona, ho ea ka taelo. ₃₁Le phooko e le 'ngoe ea nyehelo e tlosang sebe, e be e eketsang nyehelo ea kamehla ea secheso, le nyehelo ea lijo, le nyehelo ea seno e tsamaeang le eona.

₃₂“ ‘Ka letsatsi la bosupa le tla nyehela ka lipohoana tse supileng, le lipheleu tse peli, le likonyana tse tona tse leshome le metso e mene, tse nang le selemo, tse se nang sepha. ₃₃Nyehelo ea lijo, le linyehelo tsa seno tse tsamaeang le lipohoana, le lipheleu, le likonyana, e tla lekana le palo ea tsona, ho ea ka taelo. ₃₄Le phooko e le 'ngoe ea nyehelo e tlosang sebe, e be e eketsang nyehelo ea kamehla ea secheso, le nyehelo ea lijo, le nyehelo ea seno e tsamaeang le eona.

₃₅“ ‘Ka letsatsi la borobeli le tla ba le phutheho ea phomolo, 'me le se ke la sebetsa mosebetsi ofe kapa ofe. ₃₆Empa le tla nyehela ka nyehelo ea secheso, ke ho re nyehelo ea mollo e monko o monate, e amohelehang ho Morena, e be pohoana e le 'ngoe, le pheleu e le 'ngoe, le likonyana tse tona tse supileng, tse nang le selemo, tse se nang sepha. ₃₇Nyehelo ea lijo, le linyehelo tsa seno tse tsamaeang le pohoana, le pheleu, le likonyana, e tla lekana le palo ea tsona, ho ea ka taelo. ₃₈Le phooko e le 'ngoe ea nyehelo e tlosang sebe, e be e eketsang nyehelo ea kamehla ea secheso, le nyehelo ea lijo, le nyehelo ea seno e tsamaeang le eona.

₃₉“ ‘Linyehelo tsena le tla nyehella Morena ka tsona mohl'a mekete ea lōna e beiloeng, e le tse eketsang likano tsa lōna, le linyehelo tsa lōna tsa boithaopo, e leng linyehelo tsa lōna tsa secheso, le tsa lijo, le tsa seno, le tsa teboho.’ ”

₄₀Moshe a bolella bana ba Iseraele tsohle tseo Morena a mo laetseng tsona.