LIPESALEMA 100

Lōna ba lefatše lohle

etsetsang Morena mehoo ea thabo,

₂sebeletsang Morena ka thabo,

tloong kapele ho eena ka litlatse.

₃Tsebang hore Morena ke Molimo,

o re bōpile, 'me re ba hae;

re sechaba sa hae,

mohlape oa makhulo a hae.

₄Kenang likhorong tsa hae

le ntse le 'moka,

le mabaleng a hae

le ntse le mo rorisa;

mo leboheng,

le boke lebitso la hae.

₅Morena o molemo,

mohau oa hae

ke oa kamehla eohle,

botšepehi ba hae

ke bo isang melōkong eohle.