LIPESALEMA 113

₁Haleluja!

Lōna bahlanka ba Morena,

mo roriseng,

le rorise lebitso la Morena.

₂Ho bokoe lebitso la Morena,

ho tloha joale le kamehla eohle.

₃Ho tloha bochabela

ho isa bophirimela,

ho rorisoe lebitso la Morena.

₄Morena o phahametse chaba tsohle,

tlōtla ea hae

e okametse maholimo.

₅Ke mang ea kang Morena,

Morena Molimo oa rōna,

ea lutseng teroneng,

teroneng e holimo-limo,

₆empa a ikokobeletsa ho talima

maholimo le lefatše?

₇O tsosa mofutsana lerōleng,

a phahamise mohloki thōtōbōlōng;

₈a mo lulise le mahosana,

le mahosana a sechaba sa habo.

₉O fa nyōpa lelapa,

a e etse 'm'a bana ea thabileng.

Haleluja!