LIPESALEMA 82

Molimo o lutse lekhotleng

la bomolimo,

o ahlōla a le har'a baahlōli.

₂O re: “Le tla ahlōla

ho fihlela neng,

le ntse le ahlōla hampe,

le 'ne le emele ba khopo?

₃Ahlōlelang mofokoli ka toka,

ahlolelang le khutsana ka toka;

etsetsang mohlōphehi toka,

le mohloki le mo etsetse eona.

₄Lopollang mofokoli le mofutsana,

le ba namolele matsohong

a ba khopo.”

₅Ha ba na tsebo kapa kutloisiso,

ba itsamaela lefifing,

ba sisinya methèo ea toka.

₆Ke ile ka re: “Le melimo,

lōna bohle

le bana ba Ea Holimo-limo;

₇empa le tla shoa joaloka batho,

le oe joaloka khosana efe kapa efe.”

₈Thusa, Molimo, u ahlōle lefatše,

hobane lichaba tsohle ke tsa hao.