Sihlabelelo 130

₁Nangisekujuleni kwetinhlupheko,

ngikhala kuwe, Simakadze.

₂Vani kukhala kwami, Simakadze,

ngive nangicela lusito kuwe.

₃Kube wena, Simakadze,

bewusibalela tono tetfu,

ngubani labengaphunyula, angalahlwa?

₄Kodvwa wena uyasitsetselela,

kuze sitewuhlala ngekukwesaba.

₅Lusito lwaSimakadze,

ngilubheke ngalabovu,

umphefumulo wami uyawumlindzela.

Ngiyaletsemba livi lakhe.

₆Umphefumulo wami ubheke Simakadze

ngemehlo labovu.

Ngimlindzele kwengca bomantjingelane

nabalindzele kudzabuka kwekusa,

yebo, kwendlula bomantjingelane

nabalindzele kudzabuka kwekusa.

₇Israyeli, yetsembela kuSimakadze,

ngobe umusa ukuSimakadze

nekukhululwa sibili kukuye.

₈Nguye lotawuhlenga baka-Israyeli

abephule etonweni tabo tonkhe.