Sihlabelelo 53

₁ Silima sikhuluma enhlitiyweni yaso sitsi:

“Kute Nkulunkulu la.”

Babi, benta emanyala,

kute nome munye lowenta lokulungile.

₂Nkulunkulu utsi asezulwini

abe abuka bonkhe bantfu,

kuze atewubona kutsi ukhona yini

umuntfu lohlakaniphile,

nome munye nje, lofuna Nkulunkulu.

₃Bonkhe bedukile, bonkhe bonakele,

kute lowenta lokulungile;

kute, kute ngisho nome munye.

₄Pho, bate yini lwati

labantfu labenta lokubi?

Badla bantfu bami

kube shangatsi badla sinkhwa,

bangathandazi nakuNkulunkulu.

₅Bayawufikelwa kwesaba lokukhulu,

besabe ngisho nelite.

Ngobe Nkulunkulu uyawasakata

ematsambo alabo labakuhlaselako,

uyawubahlazisa,

ngobe Nkulunkulu wabadvuba wabalahla.

₆Shangatsi ingavela eSiyoni

insindziso yesive saka-Israyeli.

Mhlazana Nkulunkulu

acedza lusizi lwebantfu bakhe,

aphindze abahlumelelisa,

Jakobe uyawujabula,

Israyeli atfokote.