1 TIKRONIKA 4

₁Vana va xinuna va Yuda: Perese, Hesironi, Karimi, Huru, Xobala.

₂Reyaya, n'wana Xobala a veleka Yahata; Yahata a veleka Ahumayi na Lahada. Hi tona tinyimba ta va Sora.

₃Hi vona vana va xinuna va Etamu: Yizriele, Ixima, Yidibaxa; vito ra makwavo wa vona wa wansati a a ri Haseleli-Poni. ₄Penuwele a a ri tata wa Gedori, na Ezere a a ri tata wa Huxa. Hi vona vana va xinuna va Huru, mativula ya Efrata, tata wa Betlehema.

₅Axuru, tata wa Tekowa, a a ri ni vasati vambirhi: Hela na Naara. ₆Naara a n'wi velekela Ahuzama, na Hefere, na Temeni na Ahaxitari. Hi vona vana va xinuna va Naara. ₇Vana va xinuna va Hela: Sereta, Yisihara na Etinana. ₈Hakosi a veleka Anuba na Sobeba, ni tinyimba ta Aharele, n'wana Harumu.

₉Yabese a dzunisiwa ku tlurisa vamakwavo; mana wa yena a n'wi thya Yabese (ntirho), a ku: “Ndzi n'wi velekile hi ku vaviseka.” ₁₀Yabese a khongela Xikwembu xa Israele, a ku: “Ingi loko u ndzi katekisa, loko u tshineta mindzilekana ya mina, ingi loko voko ra wena ri va na mina, loko u ndzi sirhelela eka leswo biha, leswaku ndzi nga tshuki ndzi twa ku vaviseka!” Kutani Xikwembu xi n'wi nyika leswi a swi kombeleke.

₁₁Kelubi, makwa Xuwa, a veleka Mehiri la nga tata wa Exitoni. ₁₂Exitoni a veleka Beta-Rhafa na Paseyaka na Tehina, tata wa muti wa Iri-Nahaxa. Hi vona vanhu va Rheka.

₁₃Vana va xinuna va Kenazi: Otiniele na Seraya. N'wana Otiniele: Hatati. ₁₄Meonotayi a veleka Ofira. Seraya a veleka Yowabu tata wa nkova wa vavatli; hikuva a va ri vavatli.

₁₅Vana va xinuna va Kalebe, n'wana Yefune: Iru, Ela na Naama, ni vana va Ela, na Kenazi.

₁₆Vana va xinuna va Yehaleleli: Zifi, Zifa, Tiriya na Asarele.

₁₇Vana va xinuna va Ezra: Yetere, Merede, Efere, na Yaloni. Hi vona vana va xinuna va Bitiya, n'wana Faro, la nga tekiwa hi Merede: a veleka Meriyamu, na Xamayi, na Yixibaka, tata wa Exitemoka. ₁₈Nsati wa yena wa Muyuda, a veleka Yarede, tata wa Gedori, na Hebere; tata wa Soko, na Yekutiele, tata wa Zanowaka.

₁₉Vana va xinuna va nsati wa Hodiya, makwa Nahamu: tata wa Keyila, Mugarimi, na Exitemoka, wa Maaka. ₂₀Vana va xinuna va Ximoni: Aminoni na Rhina, Beni-Hanani na Tiloni. Vana va xinuna va Yixi: Zohete na Beni-Zohete.

₂₁Vana va xinuna va Xela, n'wana Yuda: Ere, tata wa Leka, na Layada, tata wa Marexa, ni tinyimba ta yindlu laha va tirhaka, wa yindlu ya Axabeya, ₂₂na Yokimi, ni vanhu va Kozeba, na Yowasi, na Sarafu, lava fumeke etikweni ra Mowabu na Yaxubi-Lehema. Hi tona timhaka ta khale. ₂₃A va ri vavumbi lava akeke eNetayimi ni le Gedera; va akile kona ni hosi ku yi tirhela.

₂₄Vana va xinuna va Simiyoni: Nemuwele, Yamini, Yaribi, Zera Xawulu. ₂₅Xalumi, n'wana Xawulu; Mibisama, n'wanakwe; Mixima, n'wanakwe. ₂₆N'wana Mixima: Hamuwele, n'wanakwe; Zakuru, n'wanakwe; Ximeyi, n'wanakwe. ₂₇Ximeyi a va ni vana va xinuna va 16, ni vanhwanyana va 6; kambe vamakwavo a va kumanga vana va xinuna lavo tala; ni tindlu ta vona hinkwato a ti andzangi kukotisa vana va Yuda. ₂₈A va akile Berexeba na Molada, na Hasari-Xuwala, ₂₉na Biliha, na Esemu, na Tolada, ₃₀na Betuwele, na Horma, na Sikilaga, ₃₁na Beta-Marikaboto, na Hasari-Susimi, na Beta-Biri, na Xaarayimi. Hi yona miti ya vona ku fika enkarhini wa ku fuma ka Davhida; ₃₂mitinyana ya vona a ku ri Etamu, na Ayini, na Rimoni, na Tokene, na Axani, miti ya ntlhanu, ₃₃ni swimitana hinkwaswo swa vona leswi ngi swi ri ekusuhi ni miti leyi, ku fika eBaali. Hi byona vuako bya vona ni mavito ya rixaka ra vona.

₃₄Mexobaba, na Yamileke, na Yoxa, vana va xinuna va Amasiya; ₃₅Yuwele na Yehu, vana va xinuna va Yoxibiya, n'wana Seraya, n'wana Asiele; ₃₆Eli-Howenayi, Yaakoba, Yexohaya, Asaya, Adiele, Yesimiele, Benaya, ₃₇na Ziza, vana va xinuna va Xifi, n'wana Aloni, n'wana Yedaya, n'wana Ximri, n'wana Xemaya. ₃₈Valavo, lava tsariweke hi mavito ya vona, a ti ri tihosana etinyimbeni ta vona, tindlu ta vatata wa vona ti andzile ngopfu. ₃₉Va ya etlhelo ra Gedori ku fika etlhelo ra vuxa ra nkova, ku lava byanyi bya mitlhambi ya vona. ₄₀Va kuma vudyelo lebyi noneke lebyinene, ni tiko lerikulu ematlhelweni hinkwawo, tiko ro rhula leri etleleke, hikuva lava akeke kona eku sunguleni a va ri va rixaka ra Hamu. ₄₁Enkarhini wa Hezekiya, hosi ya Yuda, vavanuna lava tsariweke hi mavito ya vona va ta, va hlasela mitsonga ya kona, ni Vamehuni, lava akeke kona, va va heta, va va endla anathema ku fika namuntlha; kutani va aka ematshan'weni ya vona, hikuva vudyelo bya mitlhambi ya vona a byi ri kona.

₄₂Van'wana va vona va vana va Simiyoni, va ta entshaveni ya Seyira, va ri ntlhanu wa madzana; va fambisiwa hi Pelatiya, na Neyariya, na Refaya, na Uziele, n'wana Yixi; ₄₃kutani va hlula lava seleke Vaamaleke lava poneke va aka kona ku fika namuntlha.