YOBO 26

₂“U pfunise ku yini la nga riki na matimba!

U tiyisile ku yini voko leri nga riki

na matimba!

₃U byeleterise ku yini loyi a pfumalaka vutlhari!

U vonakisile ku twisisa kunghasi!

₄Timhaka leti u byela mani xana?

I moya wa mani lowu humaka enon'wini wa wena-ke?

₅Lava feke va rhurhumela,

Ehansi ka mati ni swiaki swa kona.

₆Ndhawu ya vafi yi fununguriwe emahlweni ka xona,

Swidziva a swi sirheriwi,

₇Xi andlala n'walungu, ehenhla ka xibakabaka,

Xi lengeleta misava ehenhla ka hava.

₈Xi sivela mati emapepeni ya xona,

Mapapa ma nga phatluki hi ku tika ka wona.

₉Xi pfalela masungulo ya xiluvelo xa xona,

Hi ku ma funengeta hi mapapa ya xona.

₁₀Xi akerile empfhukeni wa mati xirhendzevutana,

Ku fika laha ku vonakala ku avanaka kona ni munyama.

₁₁Timhandze ta le tilweni ta tsekatseka,

Ti khindlimuka hi ku holoveriwa ka xona.

₁₂Hi matimba ya xona xi kukumukisa lwandle,

Hi vutlhari bya xona xi hlula ku tikukumuxa ka rona.

₁₃Ku huhutela ka xona ku xisa ehenhla.

Voko ra xona ri tlhava nyoka leyi balekaka.

₁₄Vona, sweswo i vuhandle bya tindlela ta xona,

Hi twa tingomela letitsanana ta xona ntsena;

Loko ti ri tindlati ta matimba ya xona,

i mani la nga ti twaka xana?”