SWIVURISO 10

₁N'wana la tlhariheke u tsakisa tata wa yena,

Kambe n'wana wo hunguka i nhlomulo eka mana wa yena.

₂Rifuwo leri kumiwaka hi lavo biha a ri pfuni nchumu,

Kambe ku lulama ku ponisa eku feni.

₃Yehovha a nga tshiki la lulameke a twa ndlala,

Kambe wa bakanya ku navela ka lavo biha.

₄Lowa voko ro loloha u ta pfumala,

Kambe mavoko ya switirhi ma ta va fuwisa.

₅La hlengeletaka hi xirimo i n'wana wo tlhariha,

Kambe la etlelaka loko va tshovela i n'wana la khomisaka tingana.

₆Munhu la lulameke u rhwele ku kateka enhlokweni,

Kambe nomu wa lowo biha wu funengeta mona.

₇Ku tsundzukiwa ka la lulameke i ku kateka,

Kambe vito ra lowo biha ri ta bola.

₈Munhu wa mbilu yo tlhariha u amukela milawu,

Kambe xihunguki hi milomu xi ta suva.

₉La fambaka hi ku lulama u famba hi ku rhula,

Kambe la homboloxaka mafambele ya yena u ta tiviwa.

₁₀La tshunyetaka hi mahlo u vavisa la lulameke,

Kambe xihunguki hi milomu xi ta suva.

₁₁Nomu wa la lulameke i xihlovo xa vutomi,

Kambe nomu wa lowo biha wu funengeta mona.

₁₂Rivengo ri pfuxa timholovo,

Kambe rirhandzu ri funengeta ku dyoha hinkwako.

₁₃Vutlhari byi kumiwa enon'wini wa la nga ni ku twisisa,

Kambe nhonga yi le nhlaneni wa la nga twisisiki.

₁₄Lavo tlhariha va tihlengeletela vutivi,

Kambe milomu ya swihunguki yi fika eku lahlekeni.

₁₅Vukosi bya mufuwi i khokholo ra yena,

Kambe vusiwana bya xisiwana i ku lova ka xona.

₁₆La lulameke u tirhela ku hanya,

Kambe la nga lulamangiki u tirhela ku homboloka.

₁₇Ku tsundzuka dyondzo i ndlela ya vutomi,

Kambe loyi a alaka ku tshinyiwa wa lahleka.

₁₈La fihlaka rivengo u ni nomu wa mano,

Kambe la hangalasaka mahlevo i xihunguki.

₁₉Eku vulavuleni loko tala, ku dyoha a ku pfumaleki,

Hikwalaho, la tikhomaka nomu u tlharihile.

₂₀Ririmi ra lowo lulama i silivhere leyi baseke,

Kambe mbilu ya lowo biha i swahava.

₂₁Milomu ya la lulameke yi hanyisa lavo tala,

Kasi swihunguki swi lova hi ku pfumala mano.

₂₂Mikateko ya Yehovha yi fuwisa munhu,

A nga n'wi engeteli mikarhalo.

₂₃Eka xihunguki, ku dlaya, i ku tlanga,

Kambe vutlhari i bya munhu la twisisaka.

₂₄Lexi lowo biha a xi chavaka, hi xona lexi nga ta n'wi wela ehenhla:

Kambe lavo lulama va nyikiwa ku navela ka vona.

₂₅Hilaha xihuhuri xi hundzaka hakona, lowo biha u hundzisa sweswo;

Kambe la lulameke u tiyile makumu.

₂₆Munhu wo loloha eka lava n'wi rhumaka,

I ntsuvi enon'wini, ni musi emahlweni.

₂₇Xichavo xa Yehovha xi andzisa masiku,

Kambe malembe ya vadyohi ma ta komisiwa.

₂₈Ku tshemba ka lava lulameke i ku tsaka,

Kambe ku langutela ka lava nga lulamangiki ku ta lova.

₂₉Ndlela ya Yehovha i khokholo eka la tengeke,

Kambe eka lavo homboloka i ku lova ntsena.

₃₀La lulameke a nga ka a nga tsekatseki, ni siku ni rin'we,

Loko va ri lavo biha, va nga ka va nga hlweri la emisaveni.

₃₁Nomu wa lowo lulama wu humesa swo tlhariha,

Kambe ririmi lero voyama ri ta susiwa.

₃₂Milomu ya lavo lulama yi tiva leswi tsakisaka,

Kambe milomu ya lava nga lulamangiki yi tiva ku homboloka ntsena.