SWIVURISO 5

₁N'wananga, yingisa vutlhari bya mina,

U rhiyela tidyondzo ta mina ndleve,

₂Leswaku u tihlayisela mano,

Ni milomu ya wena yi hlayisa vutivi;

₃Hikuva milomu ya nsati wa mbiri yi tshonisa vulombe,

Malaka ya yena ya olova kukotisa mafurha;

₄Kambe eku heteleleni, timhaka ta yena ti bava kukota nkaka,

Ti tlhava kukotisa tlhari lero kariha ematlhelo mambirhi.

₅Milenge ya yena yi ngirimela eku feni,

Mikondzo ya yena yi helela exivandleni xa vafi.

₆A nga anakanyi ndlela ya vutomi,

Tindlela ta yena ta rhendzeleka, a nga tivi laha a yaka kona.

₇Sweswi, vana vanga, ndzi yingiseni,

Mi nga hambuki etimhakeni ta nomu wa mina.

₈Ndlela ya wena a yi hundze ekule na yena,

U nga tshineleli nyangwa ya yindlu ya yena,

₉U nga ti nyika van'wana vuntshwa bya wena,

Ni malembe ya wena eka munhu lowa lunya;

₁₀Leswaku rixaka rin'wana ri nga ti xurha hi rifuwo ra wena,

Mitirho leyi u yi hlengeleteke yi hundzela etindlwini ta lava nga tiviwiki;

₁₁Hikuva emakumo u ta dzumadzuma,

Loko ku onhaka nyama ya miri wa wena,

₁₂U ku: “Xana ndzi arisile ku yini ku layiwa?

Mbilu ya mina yi andzele yini ku tshinyiwa?

₁₃Xana a ndzi yingiselanga ha yini marito ya vadyondzisi va mina? Ni ku rhiya ndleve eka vafundhisi vanga?

₁₄Yo! Ndzi lavile ku wela eku biheni loku tlurisaka,

Exikarhi ka vunyingi bya nhlengeletano.”

₁₅Nwana mati ya khele leri u ri celeke,

Mati lama humaka exihlobyeni xa wena.

₁₆Xana swihlovo swa wena swi nga hangalakisa ku yini erivaleni?

Ni swinambyana swa wena swi nga khulukela emitsendzeleni xana?

₁₇A ri ve rifuwo ra wena swaku,

U nga hlengeli ni van'wana.

₁₈Xihlovo xa wena a xi katekisiwe,

U tsakela nsati wa vuntshwa bya wena.

₁₉Mhunti leyi rhandzekaka, ntshembe ya ku saseka,

Vumbhurhi bya yena a byi ku tsakise hi masiku,

Rirhandzu ra yena a ri tate mbilu ya wena hi masiku.

₂₀N'wananga, u nga kokisiwa ku yini hi nsati wa mbiri?

U nga tikhumbarhetisa ku yini exifuveni xa nghwavavana xana?

₂₁Hikuva mafambele ya munhu ma le mahlweni ka Yehovha.

Hi yena la tivaka mitila ya yena hinkwayo.

₂₂Muxisi u ta phasiwa hi ku biha ka yena,

U ta bohiwa hi mapindza ya ku dyoha ka yena.

₂₃U ta fa hi ku ka a nga dyondzanga,

U ta lahleka hi vukulu bya vuhunguki bya yena.