TIPISALEMA 1

₁Ku katekile munhu la nga fambiki

hi ku letela ka lavo homboloka,

La nga yimiki endleleni ya vadyohi,

La nga tshamisiki exitshan'weni xa vasandzi,

₂Kambe a titsakela enawini wa Yehovha,

A wu anakanya nhlekanhi ni vusiku.

₃U fana ni murhi lowu simekiweke kusuhi ni milambu ya mati,

Lowu tswalaka mihandzu ya wona hi nkarhi wa wona,

Lowu matluka ya wona ma nga omiki:

Hinkwaswo leswi a swi endlaka swi ta kateka.

₄A swi tano ka lavo homboloka:

Va fana ni mungu lowo hungiwaka hi mheho.

₅Hikwalaho, lavo homboloka va nga ka va nga yimi eku avanyisiweni,

Hambi va ri vadyohi enhlengeletanweni ya lavo lulama;

₆Hikuva Yehovha u tiva ndlela ya lavo lulama,

Kambe ndlela ya lavo homboloka yi helela eku onhakeni.