TIPISALEMA 124

₁Ingi loko Yehovha a nga vanga na hina,

₂Israele a a vule sweswo.

Ingi loko Yehovha, a nga vanga na hina,

Loko vanhu va hi pfukele matimba,

₃Ingi va hi mitile hi karhi hi hanya,

Loko vukari bya vona byi hi pfurhele,

₄Enkarhini wolowo ingi mati ma hi funengetile,

Maboboma ma hundzile henhla ka mimoya ya hina.

₅Mati lama tikukumuxaka

A ma hundzile henhla ka mimoya ya hina.

₆A ku dzunisiwe Yehovha,

La nga ka a nga hi nyiketanga hi vutliwa hi meno ya vona.

₇Moya wa hina wu ponile,

Tanihi xindzingiri entlhan'wini wa muphasi:

Ntlhamu wu tshovekile, kutani hina hi chupukile.

₈Ku pfuniwa ka hina ku le vitweni ra Yehovha

La endleke tilo ni misava.