Ku miyetiwa enhlomulweni.
Eka mufambisi wa vasimi. Hi magubu. Pisalema ya Davhida.
1Loko ndzi vitana, ndzi hlamule, wena;
Xikwembu xa ku lulama ka mina!
Loko ndzi ri emapfalweni, ndzi tshunxe!
Ndzi tsetselele, u va u yingisa ku khongela ka mina.
2N'wina, vana va vanhu, xana mi ta hundzula ku vonakala ka mina xisandzu,
Mi ta rhandza swahava, mi tiyisa vunwa, ku yisa kwihi-ke?
3Tivani leswaku Yehovha u tihlawulele munhu la khongelaka;
Loko ndzi vitana ka yena,
Yehovha wa ndzi yingisa.
4Rhurhumelani, mi nga tshuki mi dyoha;
Mi vulavula hi timbilu loko mi etlela, kambe mi miyela.
5Humesani magandzelo ya ku lulama,
Kutani mi titshembela Yehovha.
6Lavo tala va ku:
“Hi ta kombiwa ku kateka hi mani?
Oho Yehovha! Wa nga hi tsuvukisela ku vonakala ka mombo wa wena!”
7U tsakisile mbilu yanga ku tlurisa ku tsaka ka vona
Loko va andzeriwa hi mavele ni vhinyo.
8Ndzi sivama, ndzi etlela hi ku rhula,
Hikuva hi wena Yehovha u ri swaku la ndzi akisaka eku sasekeni.
