TIPISALEMA 82

₁Xikwembu xi tshamile ehubyeni ya Xikwembu,

Xi avanyisa exikarhi ka swikwembu.

₂“Mi ta avanyisa hi ku xisa ku ya fika kwihi?

Mi yimela lavo biha ku yisa kwihi?

₃Avanyisani lontsongo hi ku lulama ni la nga riki na tatana,

Mi lulamisa ta la nga ekhombyeni ni ta xisiwana.

₄Ponisani la xanisekaka ni la pfumalaka,

Mi va kutsula emavokweni ya lavo biha.”

₅A va na ku tiva ni ku twisisa, va famba emunyameni;

Masungulo hinkwawo ya misava ma tsekatseka.

₆A ndzi ku: “Mi swikwembu,

Kutani hinkwenu mi vana va Muungameri la tlakukeke.”

₇Hambiswiritano mi ta fa tani hi vanhu,

Mi wa tani hi tihosi tihi ni tihi.

₈Oho Xikwembu, pfuka u avanyisa misava,

Hikuva tinxaka hinkwato ta vanhu i ta wena.