Israele a huwelela eka Xikwembu.
Ku khongela ka Davhida.
1Oho Yehovha rhiya ndleve, u ndzi yingisa!
Hikuva ndzi le ku vavisekeni ni le vusiwaneni.
Hlayisa moya wa mina, hikuva ndzi mutshembeki wa wena!
2Oho Xikwembu xanga, ponisa nandza wa wena la ku tshembaka!
3U ndzi twela vusiwana, oho Yehovha!
Hikuva ndzi huwelela eka wena siku hinkwaro.
4U tsakisa moya wa nandza wa wena,
Hikuva ndzi tlakusela moya wa mina eka wena, Yehovha.
5Hikuva wena, Yehovha, u lonene, la rivalelaka;
Tintswalo ta wena ti tala eka lava ku khongelaka.
6Oho Yehovha, yingisa ku khongela ka mina,
Yingisa rito ra ku huwelela ka mina!
7Ndza ku khongela hi siku ra mina,
Hikuva wa ndzi yingisa.
8A ku na la ringanaka na wena exikarhi ka swikwembu, wee Yehovha,
A ku na mitirho leyi fanaka ni ya wena.
9Matiko hinkwawo lawa u ma endleke ma ta ta,
Ma ta ku khinsamela, wena Yehovha,
Ma ta twarisa vito ra wena.
10Hikuva u lonkulu, u tirha masingita;
U Xikwembu u le swa ku.
11Oho Yehovha, ndzi dyondzise ndlela ya wena!
Ndzi ta famba eku tshembekeni ka wena.
Byisa mbilu yanga ku chava vito ra wena.
12Ndzi ta ku dzunisa hi mbilu hinkwayo ya mina, wee Hosi, Xikwembu xanga!
Ndzi ta dzunisa vito ra wena hi masiku.
13Hikuva vunene bya wena eka mina, byikulu,
U ponisile moya wa mina exivandleni xa vafi.
14Oho Xikwembu, vakanganyisi va ndzi pfukele,
Vandla ra vanhu lava hlundzukaka va lava vutomi bya mina;
Meehleketo ya vona a yi kongomi eka wena.
15Kambe wena, Yehovha, u Xikwembu lexi twelaka vusiwana, lexa tintswalo,
La hlwelaka ku kariha, la teleke tintswalo ni vunene.
16Ndzi langute, u ndzi twela vusiwana;
Nyika matimba eka nandza wa wena.
U ponisa n'wana wa nandza wa wena wa wansati!
17U ndzi endlela xikombiso xa vunene bya wena!
Leswaku lava ndzi vengaka va swi vona, va khomiwa hi tingana.
Hikuva u ndzi pfunile,
Yehovha, u va u ndzi chavelela.
