I Tikronika 6

₁Vana va Levhi i Gerixomu, na Kohata, na Merari. ₂Vana va Kohata i Amirama, na Yisihara, na Hebroni, na Uziele. ₃Vana va Amirama i Aroni, na Muxe, na Meriyamu. Vana va Aroni i Nadabu, na Abihu, na Eliyazara, na Itamara. ₄Eliyazara a veleka Finiyasi, Finiyasi a veleka Abixuwa, ₅Abixuwa a veleka Buki, Buki a veleka Uzi, ₆Uzi a veleka Zerahiya, Zerahiya a veleka Merayoto, ₇Merayoto a veleka Amariya, Amariya a veleka Ahituba, ₈Ahituba a veleka Sadoki, Sadoki a veleka Ahimaasi, ₉Ahimaasi a veleka Azariya, Azariya a veleka Yohanani, ₁₀Yohanani a veleka Azariya; Azariya loyi ú tirhile swa vuprista eTempeleni leyi hosi Solomoni a yi akeke le Yerusalema. ₁₁Azariya a veleka Amariya, Amariya a veleka Ahituba, ₁₂Ahituba a veleka Sadoki, Sadoki a veleka Xalumi, ₁₃Xalumi a veleka Hilkiya, Hilkiya a veleka Azariya, ₁₄Azariya a veleka Seraya, Seraya a veleka Yosadaki. ₁₅Kutani enkarhini lowu HOSI Xikwembu xi rhumaka Nebukadnetsara ku khoma va ka Yuda ni va le Yerusalema a va yisa evukhumbini, na yena Yosadaki a yisiwa evukhumbini.

₁₆Vana va Levhi i Gerixomu, na Kohata, na Merari. ₁₇Vana va Gerixomu i Libini na Ximeyi. ₁₈Vana va Kohata i Amirama, na Yisirhara, na Hebroni, na Uziele. ₁₉Vana va Merari i Maheli na Muxi. Vanhu lava hinkwavo hi vona va ka Levhi hi ku ya hi mindyangu ya vona.

₂₀Va ka Gerixomu hi lava: N'wana Gerixomu i Libini; n'wana Libini i Yahata; n'wana Yahata i Zima; ₂₁n'wana Zima i Yowa; n'wana Yowa i Ido; n'wana Ido i Zera; n'wana Zera i Yeyaterayi. ₂₂Va ka Kohata hi lava: N'wana Kohata i Aminadaba; n'wana Aminadaba i Kora; n'wana Kora i Asiri; ₂₃n'wana Asiri i Elikana; n'wana Elikana i Ebiyasafa; n'wana Ebiyasafa i Asiri; ₂₄n'wana Asiri i Tahata; n'wana Tahata i Uriele; n'wana Uriele i Uziya; n'wana Uziya i Xawulu. ₂₅Vana va Elikana i Amasiya na Ahimoto; ₂₆n'wana Ahimoto i Elikana; n'wana Elikana i Sofayi; n'wana Sofayi i Nahata; ₂₇n'wana Nahata i Eliyabu; n'wana Eliyabu i Yerohama; n'wana Yerohama i Elikana. ₂₈Va ka Samiele hi lava: Mativula ya Samiele i Yuwele, a tlhandlamiwa hi Abiya. ₂₉Va ka Merari hi lava: N'wana Merari i Maheli; n'wana Maheli i Libini; n'wana Libini i Ximeyi, n'wana Ximeyi i Uza; ₃₀n'wana Uza i Ximeya; n'wana Ximeya i Hagiya; n'wana Hagiya i Asaya.

₃₁Kutani Davhida a veka vanhu entirhweni wo yimbelela tinsimu endlwini ya HOSI Xikwembu, laha Areka yi nga kona. ₃₂A va hamba va yimbelela emahlweni ka Ntsonga lowo Hlawuleka, ku kondza Solomoni a aka Tempele le Yerusalema; a va endla ntirho wa vona hi nawu wa kona. ₃₃Vavanuna lava hlawuriweke kun'we ni vana va vona, hi lava: Va ka Kohata a va yimbelerisiwa hi Hemani. Hemani i n'wana Yuwele, wa Samiele, ₃₄wa Elikana, wa Yerohama, wa Eliele, wa Towa, ₃₅wa Sufu, wa Elikana, wa Mahata, wa Amasayi, ₃₆wa Elikana, wa Yuwele, wa Azariya, wa Sofoniya, ₃₇wa Tahata, wa Asiri, wa Abiyasafa, wa Kora, ₃₈wa Yisihara, wa Kohata, wa Levhi, wa Israele.

₃₉Evokweni ra xinene ra Hemani a ku yima muyimbelerisi wa vumbirhi, a nga Asafa. Asafa i n'wana Berekiya, wa Ximeya, ₄₀wa Mikaele, wa Baaseya, wa Malikiya, ₄₁wa Etini, wa Zera, wa Adaya, ₄₂wa Etani, wa Zima, wa Ximeyi, ₄₃wa Yahata, wa Gerixomu, wa Levhi.

₄₄Evokweni ra ximatsi ra Hemani a ku yima muyimbelerisi wa va ka Merari, a nga Etani. Etani i n'wana Kixi, wa Abidi, wa Maluka, ₄₅wa Haxabiya, wa Amasiya, wa Hilkiya, ₄₆wa Amisi, wa Bani, wa Xemere, ₄₇wa Maheli, wa Muxi, wa Merari, wa Levhi. ₄₈Va ka Levhi lavan'wana a va vekiwile ku tirha mintirho leyin'wana hinkwayo ya Ntsonga lowo Hlawuleka wa Xikwembu.

₄₉Va ka Aroni a va ri ni ntirho wa ku humesa magandzelo lama hisiwaka ni wa ku hisa mirhi ya risuna etialitarini ta kona; naswona a va tirha mintirho hinkwayo ya le xivandleni lexo hlawuleka ngopfu, va endlela ku susa swidyoho swa Vaisraele, hilaha Muxe nandza wa Xikwembu a va leriseke hakona. ₅₀Va ka Aroni hi lava: N'wana Aroni i Eliyazara; n'wana Eliyazara i Finiyasi; n'wana Finiyasi i Abixuwa; ₅₁n'wana Abixuwa i Buki; n'wana Buki i Uzi; n'wana Uzi i Zerahiya; ₅₂n'wana Zerahiya i Merayoto; n'wana Merayoto i Amariya; n'wana Amariya i Ahituba; ₅₃n'wana Ahituba i Sadoki; n'wana Sadoki i Ahimaasi.

₅₄Vatukulu va Aroni, va nga va ka Kohata ni mindyangu ya vona, hi vona va nga sungula ku averiwa miti hi vuhlolotwana, laha a va ri kona; miti ya kona hi leyi landzelaka: ₅₅Exikarhi ka vanhu va nyimba ya ka Yuda, va nyikiwile muti wa Hebroni, ni madyelo ya wona ya swifuwo ku rhendzeleka na wona; ₅₆kambe masimu ni swimitana swa muti lowu swona swi nyikiwile Kalebe n'wana Yefune. ₅₇Va ka Aroni va nyikiwile miti leyi vadlayi va nga tumbelaka eka yona; miti ya kona ni madyelo ya yona ya swifuwo hi leyi: Hebroni, na Libina, na Yatira, na Exitemoka, ₅₈na Hileni, na Debiri, ₅₉na Axani, na Beta-Xemexe. ₆₀Exikarhi ka vanhu va nyimba ya ka Benjamini, ku humile miti leyi ni madyelo ya yona ya swifuwo: Geba, na Alemete, na Anatoto. Miti hinkwayo leyi yi nyikiweke mindyangu ya va ka Kohata i 13.

₆₁Exikarhi ka vanhu va nyimba ya ka Manase lava nga vuxeni bya Yordani, mindyangu yin'wana ya va ka Kohata yi averiwile miti ya khume hi vuhlolotwana. ₆₂Va ka Gerixomu ni mindyangu ya vona va averiwile miti ya 13 exikarhi ka vanhu va tinyimba ta Isakara, na Asere, na Neftali, ni le xikarhi ka va ka Manase va le Baxani. ₆₃Va ka Merari va averiwile miti ya 12 hi vuhlolotwana, exikarhi ka vanhu va tinyimba ta Rhuveni, na Gadi, na Zebuloni. ₆₄Hi mukhuva lowu, Vaisraele va nyikile va ka Levhi emiti ni madyelo ya swifuwo swa yona; ₆₅naswona miti yin'wana leyi nga vuriwa laha henhla, yi averiwile va ka Levhi hi vuhlolotwana exikarhi ka vanhu va tinyimba ta Yuda, na Simiyoni, na Benjamini.

₆₆Mindyangu yin'wana ya va ka Kohata yi kumile miti exikarhi ka vanhu va nyimba ya ka Efrayimi; ₆₇miti leyi va nyikiweke yona a yi ri leyi vadlayi va nga tumbelaka eka yona, naswona a yi ri ni madyelo ya yona ya swifuwo. Mavito ya yona hi lawa: Xikeme emagangeni ya Efrayimi, na Gati-Rimoni, ₆₈na Yokimeyama, na Beta-Horoni, ₆₉na Ayaloni, na Gati-Rimoni. ₇₀Kutani mindyangu leyin'wana ya va ka Kohata yi nyikiwile miti mimbirhi ni madyelo ya yona ya swifuwo exikarhi ka vanhu va nyimba ya ka Manase lava nga vuxeni bya Yordani; miti ya kona i Anere, na Bileyama.

₇₁Exikarhi ka vanhu va nyimba ya ka Manase lava nga vuxeni bya Yordani, va ka Gerixomu va kumile miti mimbirhi ni madyelo ya yona ya swifuwo, yi nga leyi: Golani eBaxani, na Axitaroto. ₇₂Exikarhi ka vanhu va nyimba ya ka Isakara, va kumile miti leyi: Kedexe, na Daberata, ₇₃na Ramoto, na Aneme. ₇₄Exikarhi ka vanhu va nyimba ya ka Asere, va kumile miti leyi: Maxale, na Abidoni, ₇₅na Hukoko, na Rehobo. ₇₆Exikarhi ka vanhu va nyimba ya ka Neftali, va kumile miti leyi: Kedexe eGaleliya, na Hamoni, na Kiriyatayimi. Miti ya kona hinkwayo a yi ri ni madyelo ya yona ya swifuwo.

₇₇Va ka Merari lavan'wana va kumile miti ni madyelo ya yona ya swifuwo exikarhi ka vanhu va nyimba ya ka Zebuloni, yi nga leyi: Rimoni, na Taboro. ₇₈Entsungeni wa Yordani hi tlhelo ra le vuxeni, va kumile miti exikarhi ka vanhu va nyimba ya ka Rhuveni, yi nga leyi: Beseri, na Yahasa, ₇₉na Kedemoto, na Mefata. ₈₀Exikarhi ka vanhu va nyimba ya ka Gadi, va kumile miti leyi: Ramoto le Giliyadi, na Mahanayimi, ₈₁na Hexiboni, na Yazere. Miti ya kona hinkwayo a yi ri ni madyelo ya yona ya swifuwo.