Pisalema ya 128

₁Ku katekile munhu un'wana ni un'wana loyi a chavaka HOSI Xikwembu,

la fambaka etindleleni ta xona.

₂Na wena u ta dya leswi u swi tirheke,

swi ta ku tsakisa u va u kateka.

₃Emutini wa wena, nsati wa wena ú ta fana ni murhi wa vhinya

lowu vekaka mihandzu leyo tala.

Vana va wena va xinuna va ta fana ni swihluke swa murhi wa mutlhwari,

loko va tshama na wena eswakudyeni.

₄Hakunene munhu la chavaka HOSI Xikwembu

ú ta kateka hi ndlela yoleyo.

₅HOSI Xikwembu a xi ku katekise xi ri eSiyoni,

u vona ku kateka ka Yerusalema

masiku hinkwawo ya ku hanya ka wena.

₆Mayana ku hanya u vona vatukulu ni vatukulu-xinguwe!

Ku rhula a ku ve na Vaisraele!