Pisalema ya 4

₁We Xikwembu, mulweri wa tifanelo ta mina,

ndzi hlamule loko ndzi huwelela.

U ndzi nyikile ko tumbeta nhloko, loko ndzi ri emaxangwini;

sweswi ndzi twele vusiwana, u yingisa ku khongela ka mina.

₂N'wina vanhu, xana mi ta sandza vumunhu bya mina ku fikela rini xana?

Xana ku tsakela leswi nga pfuniki nchumu ni ku landzelela mavunwa, mi ta swi tshika rini xana?

₃Tivani leswaku HOSI yi tihlawulerile munhu loyi a yi khongelaka;

loko ndzi huwelela eka yona HOSI, ya ndzi yingisa.

₄Karihani, kambe mi nga dyohi;

vulavulani hi timbilu loko mi etlele emasangwini, mi miyerile!

₅Humesani magandzelo lama nga wona,

mi veka ku tshemba ka n'wina eka HOSI.

₆Vanhu vo tala va ri: “Mawaku loko hi nga kuma minkateko!

We HOSI, hi langute, u hi komba tintswalo!”

₇Kambe wena u engeterile ntsako embilwini yanga,

wu tlula lowu va nga na wona loko va pfunile mavele ni vhinyo.

₈Ndzi ta tilata ndzi etlela hi ku rhula,

hikuva hi wena ntsena, we HOSI, loyi u endlaka leswaku ndzi tshama ndzi hlayisekile.