1 DITIRAFALO 24

₁Makoko a diphapaano tsa bomorwa Arone e ne e le a: Bomorwa Arone: Natabe le Abihu, Eleasare le Ithamare. ₂Natabe le Abihu ba ne ba swa pele ga rraabo, ba bo ba se na bana, ke gone ka moo Eleasare le Ithamare ba dira tiro ya boperesiti. ₃Dafite a na le Satoke wa bomorwa Eleasare, le Ahimeleke wa bomorwa Ithamare, a ba kgoaganya ka makoko ka fa phapaanong ya bone mo tirelong ya bone. ₄Ga fitlhelwa mo go bomorwa Eleasare bagolo ba le bantsi go feta ba bomorwa Ithamare; ba kgaoganngwa jaana: Mo go bomorwa Eleasare, go ne go le ba le 16, ditlhogo tsa mantlo a borraabo; mo go bomorwa Ithamare, ka fa matlong a borraabo ba ba 8. ₅Ba kgaoganngwa jalo ka fa taolong ya bola, bangwe ba tlhakanye le ba bangwe; gonne go no go le dikgosana tsa ntlo e e boitshepo, le dikgosana tsa Modimo mo go bomorwa Eleasare le mo go bomorwa Ithamare. ₆Shemaia morwa Nethanele mokwaledi, yo e ne e le wa Balefi a ba kwala mo ponong ya kgosi le dikgosana, le Satoke moperesiti, le Ahimeleke morwa Abiathare, le ditlhogo tsa makgotla a borraabo tsa baperesiti le tsa Balefi; ntlo e le nngwe ya boraro e tseelwa Eleasare, le e le nngwe e tseelwa Ithamare.

₇Jaana taolo ya ntlha ya tswela Jehoiaribe, ya bobedi ya tswela Jetaia, ₈ya boraro ya tswela Harime, ya bone ya tswela Seorime, ₉ya botlhano ya tswela Malekije, ya borataro ya tswela Mijamine; ₁₀ya bosupa ya tswela Hakose, ya 8 ya tswela Abija; ₁₁ya 9 ya tswela Ješua, ya lesome ya tswela Shekania; ₁₂ya 11 ya tswela Eleašibe, ya 12 ya tswela Jakime; ₁₃ya 13 ya tswela Hupa, ya 14 ya tswela Ješebeabe; ₁₄ya 15 ya tswela Bilega, ya 16 ya tswela Imere; ₁₅ya 17 ya tswela Hesire, ya 18 ya tswela Hapisese; ₁₆ya 19 ya tswela Pethahia, ya 20 ya tswela Jehesekele; ₁₇ya 21 ya tswela Jakine, ya 22 ya tswela Gamule; ₁₈ya 23 ya tswela Delaia, ya 24 ya tswela Maasia.

₁₉Eo, e ne e le yone thulaganyo ya bone mo tirelong ya bone go tla mo ntlong ya ga Jehofa ka fa molaong o ba o neilweng ke Arone rraabo, jaaka Jehofa Modimo wa Iseraele a mo laotse.

₂₀Le ba ba setseng ba bomorwa Lefi: mo go bomorwa Amerame, Shubaele; mo go bomorwa Shubaele, Jeheteia.

₂₁Ba ga Rehabia: mo go bomorwa Rehabia, yo mogolo Isešia.

₂₂Mo go Baisehare, Shelomothe; mo go bomorwa Shelomothe, Jahathe.

₂₃Le bomorwa Heberone: yo mogolo Jeria, wa bobedi Amaria, wa boraro Jahasiele, wa bone Jekameame. ₂₄Bomorwa Usiele, Mika; mo go bomorwa Mika, Shamire. ₂₅Monnawe Mika, Isešia; mo go bomorwa Isešia, Sekaria. ₂₆Bomorwa Merari: Maheli le Muši, bomorwa Jaasia: Beno. ₂₇Bomorwa Merari: ba ga Jaasia, Beno, Shohame, Sakure le Iberi. ₂₈Ba ga Maheli: Eleasare, yo o ne a se na bana ba basimane. ₂₉Ba ga Kiše: bomorwa Kiše, Jerameele. ₃₀Le bomorwa Muši: Maheli, Etere le Jerimothe. Bao e ne e le bomorwa Balefi ka fa matlong a borraabo.

₃₁Bao le bone ba thela bola fela jaaka bomogoloa bone bomorwa Arone mo ponong ya kgosi Dafite, le Satoke, le Ahimeleke, le ditlhogo tsa makgotla a borraabo tsa baperesiti le tsa Balefi; makgotla a borraabo a yo mogolo fela jaaka one a ga monnawe.