1 DITIRAFALO 27

₁Jaana bana ba Iseraele ka fa palong ya bone, e bong ditlhogo tsa makgotla a borara le balaodi ba makgolo a masome, le ba makgolo, le maotlana a bone, a a direlang kgosi, mo tirong nngwe le nngwe ya makoko a diphapaano tse di ne di tsena di tswa ka kgwedi le kgwedi, ka dikgwedi tsotlhe tsa ngwaga, ba phapaano nngwe le nngwe ba bo ba le 24 000.

₂Molaodi wa phapaano ya ntlha ya kgwedi ya ntlha e ne e le Jašobeame morwa Sabediele; mo lekokong la phapaano ya gagwe go ne go le batho ba le 24 000. ₃Ene e ne e le wa bana ba ga Perese, mogolo wa balaodi botlhe ba ntwa, ka kgwedi ya ntlha. ₄Tlhogo ya lekoko la phapaano ya kgwedi ya bobedi e ne e le Dotai wa Moahohe, a na le lekoko la phapaano ya gagwe; le Mikelothe e ne e le molaodi; mo lekokong la phapaano ya gagwe go le batho ba le 24 000. ₅Molaodi wa boraro wa lesomosomo wa kgwedi ya boraro, e ne e le Benaia morwa Jehoiate moperesiti, e le yo mogolo; mme mo lekokong la phapaano ya gagwe go no go le batho ba le 24 000. ₆Yo ke ene Benaia yo e ne e le seganka sa ba ba 30, le molaodi wa ba ba 30, mme Amisabate morwawe o ne a le wa lekoko la phapaano ya gagwe. ₇Molaodi wa bone wa kgwedi ya bone e ne e le Asahele monnaa Joabe, le Sebadia morwawe morago ga gagwe; mo lekokong la phapaano ya gagwe go ne go le batho ba le 24 000. ₈Molaodi wa botlhano wa kgwedi ya botlhano e ne e le Shamahuthe wa Moiserahe, mo lekokong la phapaanong ya gagwe go ne go le batho ba le 24 000. ₉Molaodi wa borataro wa kgwedi ya borataro e ne e le Ira morwa Ikeše wa Motekoa; mo lekokong la phapaano ya gagwe go le batho ba le 24 000. ₁₀Molaodi wa bosupa wa kgwedi ya bosupa e ne e le Helese wa Mopelone, wa bana ba Eferaime; mo lekokong la phapaano ya gagwe go le batho ba le 24 000. ₁₁Molaodi wa bo 8 wa kgwedi ya bo 8 e ne e le Sibekai wa Mohušatha wa Basera; mo lekokong la phapaano ya gagwe go le batho ba le 24 000. ₁₂Molaodi wa bo 9 wa kgwedi ya bo 9 e ne e le Abiesere wa Moanathothe wa Babenjamine; mo lekokong la phapaano ya gagwe go le batho ba le 24 000. ₁₃Molaodi wa lesome wa kgwedi ya lesome e ne e le Maharai wa Monetofathe wa Basere; mme mo lekokong la phapaano ya gagwe go le batho ba le 24 000. ₁₄Molaodi wa 11 wa kgwedi ya 11 e ne e le Benaia wa Mopirathone wa bana ba Eferaime; mo lekokong la phapaano ya gagwe go no go le batho ba le 24 000. ₁₅Molaodi wa 12 wa kgwedi ya 12 e ne e le Heletai wa Monetofa oo rra Otheniele; mme mo lekokong la phapaano ya gagwe go ne go le batho ba le 24 000.

₁₆Gape mo go laoleng ditso tsa Iseraele, mo go Barubene, Eliesere morwa Sikeri e ne e le molaodi; mo go Basimeone e ne e le Shefatia morwa Maaka; ₁₇mo go Balefi e ne e le Hašabia morwa Kemuele; mo go Baarone, e le Satoke; ₁₈mo go Bajuta e le Elihu mogoloa Dafite; mo go Baisakare, e le Omeri morwa Mikaele; ₁₉mo go Basebulone e le Išemaia morwa Obadia; mo go Banafetali e le Jeremothe morwa Aseriele; ₂₀mo baneng ba Eferaime e le Hošea morwa Asasia; mo ntlheng nngwe ya lotso lwa Manase e le Joele morwa Petaia; ₂₁mo ntlheng e nngwe ya lotso lwa Manase mo Gileate, e ne e le Ito morwa Sekaria; mo go Babenjamine e le Jaasiele morwa Abenere; ₂₂mo go Badane e ne e le Asarele morwa Jerohame. Bao e ne e le balaodi ba ditso tsa Iseraele.

₂₃Dafite ga a a ka a bala ba ba dinyaga di 20 fela, le fa e le bomonnaa bone; gone Jehofa a rile o tlaa ntsifatsa Baiseraele ba nna jaaka dinaledi tsa legodimo.

₂₄Joabe morwa Seruia a simolola go bala, mme a se ka a fetsa; gonne bogale jwa wela Baiseraele ka ntlha ya gone moo; le gone palo ga e a ka ya tsenngwa mo dikwalong tsa ditirafalo tsa kgosi Dafite.

₂₅Molaodi wa mabolokelo a dikhumo tsa kgosi e ne e le Asemafethe morwa Adiele, mme molaodi wa mabolokelo a a mo dinageng le mo metseng le mo metsaneng, le mo dikagong tse di thata, e le Jonathane morwa Usia. ₂₆Molaodi wa bone ba ba dirang tiro ya naga ya go lema lefatshe, e ne e le Eseri morwa Kelube. ₂₇Molaodi wa masimo a mafine e ne e le Shimei wa Moramathe, molaodi wa totafalo ya masimo a mafine e e tsenang mo mabolokelong a bojalwa jwa mofine e ne e le Sabedi wa Mošifime. ₂₈Molaodi wa ditlhare tsa matlhware, le ditlhare tsa masekamore, tse di mo lefatsheng la melapo, e ne e le Baale-hanane wa Mogetere; molaodi wa mabolokelo a lookwane a a kwa tlase ga matlo e ne e le Joaše. ₂₉Molaodi wa matlhape a a hulang mo Sharone e ne e le Shiterai wa Mošarone; molaodi wa matlhape a a mo melapong, e ne e le Shafate morwa Atelai; ₃₀molaodi wa dikamela e le Obile wa Moišemaile; molaodi wa diesela e le Jeheteia wa Moheronothe.

₃₁Molaodi wa matsomane e le Jasise wa Mohagare. Bao botlhe e ne e le balaodi ba thoto e e leng ya kgosi Dafite.

₃₂Gape Jonathane ngwana wa ga mogoloa Dafite e ne e le mogakolodi, motho wa tlhaloganyo le mokwadi; Jehiele morwa Hakemoni o na a nna le bomorwa kgosi. ₃₃Le Ahitofele e ne e le mogakolodi wa kgosi; Hušai wa Momareka e ne e le kala ya kgosi. ₃₄Jehoiata morwa Benaia le Abiathare ba rulagana le Ahitofele; molaodi wa ntwa ya kgosi e le Joabe.