ESEKIELE 17

₁Lefoko la ga Jehofa la tla mo go nna, la re: ₂“Morwa motho, ntsha nyoba, o bue setshwantsho le ba ntlo ya Iseraele; ₃o re: Morena Modimo o bua jaana, a re: Ntswi yo motona thata yo o diphuka dikgolo le dintlha tse ditelele, a tletse diphafa tse di matsabatsaba, a tla mo Lebanone, a tsaya kala e e kwa godimo ya mosetare; ₄a kgaola e e leng yone kalana ya one e e kwa godimodimo, mme a e isa kwa lefatsheng lengwe la thekalano; a e tlhoma mo motseng mongwe wa barekisi. ₅A ba a tsaya le peo ya lefatshe, a e jala mo mmung o o ungwisang; a e baya fa metsing a magolo; a e tlhoma jaaka modibonoka. ₆Mme ya mela, ya nna mofine o o anamang, o mokhutshwane, o dikala tsa one di menogelang kwa go ene, mme metswe ya one e ne e le tlase ga gagwe; mme ya nna mofine, wa ntsha dikala, wa tlhogisa dikalana.

₇“Ga bo go bile go le ntswi yo mongwe yo motona, yo o diphuka ditona le diphafa di le dintsi; mme bonang, mofine oo wa konegela metswe kwa go ene, o le fa o tlhomilweng teng, gore a tle a o nose. ₈O ne o tlhomilwe mo mmung o o molemo, fa metsing a magolo, gore o ntshe dikala, le gore o ungwe, gore o tle o nne mofine o montle.

₉“Bua, o re: Morena Modimo o bua jaana, a re: A o tlaa segofala? A ga a ketla a khumola metswe ya one, a ba a kgaola loungo lwa one gore o tle o swabe; gore makakaba otlhe a one a e leng gone a tlhogang a swabe; e seng ka thata e kgolo le fa e le ka batho ba le bantsi ba ba ka bong ba o khumola ka metswe? ₁₀Ee, bonang, a o tlaa segofala ka go bo o tlhomilwe? A ga o ketla o swabela ruri, mogang phefo ya botlhabatsatsi e o amang? O tlaa swabela fa o ne o medile teng.”

₁₁Gape lefoko la ga Jehofa la tla mo go nna, la re: ₁₂“A ko o reye ba lekgotla le le borukhutlhi, o re: A ga lo itse se dilo tse di se kayang? O ba reye o re: Bonang, kgosi ya Babilone e ne e tsile mo Jerusalema, ya tshwara kgosi ya teng, le dikgosana tsa teng, ya ba isa kwa ga yone kwa Babilone. ₁₃Ya tsaya wa losika lwa segosi, ya dira kgolagano nae; ya ba ya mo ikanisa, mme ya tlosa bathata ba lefatshe; ₁₄gore bogosi bo nyatsege, gore bo se ka jwa itsholetsa, mme le fa go ntse jalo e le gore bo tlhomame ka go tshegetsa kgolagano ya yone. ₁₅A mo tsuololela ka go roma barongwi ba gagwe kwa Egepeto, gore ba ye go mo naya dipitse le batho ba le bantsi. A o tlaa segofala? A yo o dirang dilo tse di ntseng jalo o tlaa falola? A o ka senya kgolagano, mme a ba a falola?

₁₆“Jaaka ke tshedile, go bua Morena Modimo, ruri mo felong kwa kgosi e agileng teng e e mo dirileng kgosi, e ikano ya yone o e nyaditseng, le e kgolagano ya yone o e sentseng, o tlaa swela kwa go yone mo gare ga Babilone. ₁₇Le gone Faro le ntwa ya gagwe e kgolo le lesomo la gagwe le legolo, ga a ketla a mo tshologela mo ntweng, mogang ba tsosang dithota ba aga dikago tsa tlhabanelo, go tla ba kgaola batho ba le bantsi. ₁₈Gonne o nyaditse ikano ka go senya kgolagano; mme, bonang, o ne a ntshitse seatla, le fa go ntse jalo o dirile dilo tsotlhe tse; ga a ketla a falola.”

₁₉Ke gone Morena Modimo o bua jaana, a re: “Jaaka ke tshedile, ruri ikano ya me e o e nyaditseng, le kgolagano ya me e o e sentseng, ke tlaa go lere fela mo tlhogong ya gagwe. ₂₀Ke tlaa mo tsharololela lotloa lwa me, o tlaa tshwarwa ka seru sa me, mme ke tlaa mo isa kwa Babilone, ke tlaa sekisana nae teng ka ga tlolo e o ntloletseng ka yone. ₂₁Batshabi botlhe ba gagwe mo masomong otlhe a gagwe ba tlaa wa ka tšhaka, ba ba salang ba tlaa gasamesegela kwa diphefong tsotlhe, mme lo tlaa itse fa nna Jehofa ke go buile.”

₂₂Morena Modimo o bua jaana, a re: