BAHEBERE 5

₁Gonne moperesiti yo mogolo mongwe le mongwe, ka a tsewa mo bathong, o beelwa batho mo dilong tse e leng tsa Modimo, gore a isetse dibe dineo le ditlhabelo. ₂E le yo o ka neneketsang ka bonolo ba ba sa itseng, le ba ba timelang, ka le ene ka esi a dikanyeditswe ke bokoa. ₃Ka ntlha ya gone moo, o na le go ikisetsa setlhabelo jaaka a tle a isetse dibe tsa batho. ₄Ga go motho ope yo o inayang tlotlo e, fa e se mogang o bidiwang ke Modimo, fela jaaka Arone a biditswe.

₅Go ntse jalo, Keresete le ene, ga a ka a ikgalaletsa go dirwa moperesiti yo mogolo, mme ke one o o buileng nae wa re:

₇(E bong Jesu,) yo e rileng mo metlheng ya gagwe a le mo nameng, a sena go isa merapelo le mekokotlelo e e nang le selelo se setona, le dikeledi, kwa go ene yo o nonofileng go mo golola mo losong; ya re a sena go utlwiwa ka ntlha ya go boifa Modimo ga gagwe; ₈le fa a le ngwana, le fa go ntse jalo, a ithuta kutlo ka dilo tse o di bogileng. ₉Mme e rile a sena go dirwa boitekanelo, a tswa mosimolodi wa poloka e e sa khutleng mo go botlhe ba ba mo utlwang, ₁₀a rewa ke Modimo leina go twe, Moperesiti yo mogolo ka fa mokgweng wa ga Melekiseteke.

₁₁Yo re nang le dilo di le dintsi go di bua ka gagwe, le tse di thata go phuthololwa, ka lo setse lo kabetse ditsebe. ₁₂Gonne fa e le ka ga lobaka, lo bo lo tshwanetse lwa bo ne ne fano lo le baruti, mme lo bile lo sa ntse lo tlhoka gore bangwe ba lo rute ditlhaka tsa tshimologo tsa mafoko a Modimo; lo bile gape lo ba ba tshwanetsweng ke maši, e seng ke dijo tse di loileng. ₁₃Gonne mongwe le mongwe yo o fetšwang ka maši ga a na tlwaelano le lefoko la tshiamo; gonne ke ngwanyana fela. ₁₄Dijo tse di loileng ke tsa banna ba ba godileng, e bong bone ba e a reng ka ba ntse ba dira, maikutlo a bone a tlwaediwe go lemoga molemo le bosula.