DIPALO 26

₁Ga dirala ya re morago ga sebetso, Jehofa a bua le Moše le Eleasare morwa Arone moperesiti, a re: ₂“Dirang palo ya phuthego yotlhe ya bana ba Iseraele, go simolola ka ba ba dinyaga di 20 go ya kwa go bomogoloa bone, ka makgotla a borraabo, botlhe ba ba nonofileng go bolola ntwa mo Iseraele.” ₃Moše le Eleasare moperesiti ba bua nabo mo dipaleng tsa Moabe, fa Joretane kwa Jeriko, ba re: ₄“Dirang palo ya batho, go simolola ka ba ba dinyaga di 20 go ya kwa go bomogoloa bona;” jaaka Jehofa a laotse Moše le bana ba Iseraele, ba ba duleng mo lefstsheng la Egepeto.

₅Rubene, ngwana wa ntlha wa ga Iseraele; bomorwa Rubene; ba ga Enoke, losika lwa Enoke; ba ga Palu, losika lwa Bapalu; ₆ba ga Heserone, losika lwa Baheserone; ba ga Karemi, losika lwa Bakaremi. ₇Tse ke tsone ditshika tsa Barubene: ba ba badilweng mo go bone ba bo bo le 43 730. ₈Le bomorwa Palu; Eliabe, ₉Le bomorwa Eliabe; Nemuele, Dathane le Abirame. Bao ke bone bo Dathane le Abirame, ba ba neng ba itsege mo phuthegong, mme ba ganela le Moše le Arone mo lesomong la ga Kora, jale ka ba ganela le Jehofa. ₁₀Lefatshe la atlhamologa molomo, la ba komtsa mmogo le Kora, jale ka lesomo leo le swa; ka molelo o laila banna ba ba 250, mme ba tswa sekao. ₁₁Le fa go ntse jalo bomorwa Kora ga ba a ka ba swa.

₁₂Bomorwa Simeone ka fa ditshikeng tsa bone: Ba ga Nemuele, losika lwa Banemuele; ba ga Jamine, losika lwa Bajamine; ba ga Jakine, losika lwa Bajakine; ₁₃ba ga Sera, losika lwa Basera; ba ga Saule, losika lwa Basaule; ₁₄tse ke ditshika tsa Basimeone 22 200.

₁₅Bomorwa Gate ka fa ditshikeng tsa bone: Ba ga Sifione, losika lwa Basifione; ba ga Hagi, losika lwa Bahagi; ba ga Shuni, losika lwa Bašuni; ba ga Oseni, losika lwa Baoseni; ₁₆ba ga Eri, losika lwa Baeri; ₁₇ba ga Arote, losika lwa Baarote; ba ga Areli, losika lwa Baareli. ₁₈Tse ke ditshika tsa bomorwa Gate ka fa palong ya bone ba ba badilweng mo go bone, 40 500.

₁₉Bomorwa Juta, Ere le Onane, mme Ere le Onane ba sa le ba swela mo lefatsheng la Kanana. ₂₀Bomorwa Juta ka fa ditshikeng tsa bone e ne e le ba: Ba ga Shela, losika lwa Bašela; ba ga Perese, losika lwa Baperese; ba ga Sera, losika lwa Basera. ₂₁Bomorwa Perese e ne e le ba: Ba ga Heserone; losika lwa Baheserone; ba ga Hamule, losika lwa Bahamule. ₂₂Tse ke tsone ditshika tsa ga Juta, ka fa palong ya bone ba ba badilweng mo go bone, 76 500.

₂₃Bomorwa Isakare ka fa ditshikeng tsa bone, Ba ga Tola, losika lwa Batola; ba ga Pua, losika lwa Bapua; ₂₄ba ga Jašube, losika lwa Bajašube; ba ga Shimerone, losika lwa Bašimerone. ₂₅Tse ke ditshika tsa ga Isakare ka fa palong ya bone ba ba badilweng mo go bone, 64 300.

₂₆Bomorwa Sebulone ka fa ditshikeng tsa bone: Ba ga Serete, losika lwa Baserete; ba ga Elone, losika lwa Baelone; ba ga Jahaleele, losika lwa Bajahaleele. ₂₇Tse ke ditshika tsa Basebulone ka fa palong ya bone ba ba badilweng mo go bone, 60 500.

₂₈Bomorwa Josefe, ka fa ditshikeng tsa bone: Manase le Eferaime. ₂₉Bomorwa Manase: Ba ga Makire, losika lwa Bamakire; Makire a tshola Gileate: ba ga Gileate, losika lwa Bagileate. ₃₀Ba ke bomorwa Gileate: Ba ga Iesere, losika lwa Baiesere; ba ga Heleke, losika lwa Baheleke. ₃₁Ba ga Aseriele, losika lwa Baaseriele; ba ga Shekeme, losika lwa Bašekeme. ₃₂Ba ga Shemita, losika lwa Bašemita; ba ga Hefere, losika lwa Bahefere. ₃₃Mme Selofehate morwa Hefere o ne a se na bana ba basimane fa e se ba basetsana fela, maina a bomorwadia Selofehate e ne e le Mahela le Noa, Hogela, Mileka le Tiresa. ₃₄Tse ke ditshika tsa ga Manase, ba ba badilweng mo go bone ba ne ba le 52 700.

₃₅Ba ke bone bomorwa Eferaime ka fa ditshikeng tsa bone: Ba ga Shuthela, losika lwa Bašuthela; ba ga Bekere, losika lwa Babekere; ba ga Tahane, losika lwa Batahane. ₃₆Ba ke bomorwa Shuthela, ba ga Erane, losika lwa Baerane. ₃₇Tse ke ditshika tsa bomorwa Eferaime ka fa palong ya ba ba badilweng mo go bone, 32 500. Ba ke bomorwa Josefe ka fa ditshikeng tsa bone.

₃₈Bomorwa Benjamine ka fa ditshikeng tsa bone: Ba ga Bela, losika lwa Babela; ba ga Ašebele, losika lwa Baašebele; ba ga Ahirame, losika lwa Baahirame; ₃₉ba ga Shufame, losika lwa Bašufame; ba ga Hufame, losika lwa Bahufame. ₄₀Bomorwa Bela e ne e le Arete le Naamane; ba ga Arete, losika lwa Baarete; ba ga Naamane, losika lwa Banaamane. ₄₁Ba ke bomorwa Benjamine ka fa ditshikeng tsa bone; ba ba badilweng mo go bone ba ne ba le 45 600.

₄₂Ba ke bomorwa Dane ka fa ditshikeng tsa bone: Ba ga Shuhame, losika lwa Bašuhame. Tse ke ditshika tsa ga Dane ka fa ditshikeng tsa bone. ₄₃Ditshika tsotlhe tsa Bašuhame, ka fa palong ya bone ba ba badilweng mo go bone, e ne e le 64 400.

₄₄Bomorwa Ašere ka fa ditshikeng tsa bone: Ba ga Imena, losika lwa Baimena; ba ga Išifi, losika lwa Baišifi; ba ga Beria, losika lwa Baberia. ₄₅Ba bomorwa Beria: ba ga Hebere, losika lwa Bahebere; ba ga Malekiele, losika lwa Bamalekiele. ₄₆Leina la morwadia Ašere e ne e le Sera. ₄₇Tse ke ditshika tsa bomorwa Ašere ka fa palong ya ba ba badilweng mo go bone, 53 400.

₄₈Bomorwa Nafetali ka fa ditshikeng tsa bone: Ba ga Jahaseele, losika lwa Bajahaseele; ba ga Guni, losika lwa Baguni; ₄₉ba ga Jesere, losika lwa Bajesere; ba ga Shileme, losika lwa Bašileme. ₅₀Tse ke ditshika tsa ga Nafetali ka fa ditshikeng tsa bone, mme ba ba badilweng mo go bone ba ne ba le 45 400.

₅₁Ba ke bone ba ba badilweng ba bana ba Iseraele, 601 730.

₅₂Jehofa a bua le Moše a re: ₅₃“Lefatshe le tlaa kgaoganngwa ka bone ba, go nna boswa ka fa palong ya maina. ₅₄Ba ba leng bantsi o ba neye boswa bogolo, ba ba leng bannye o ba neye boswa bo le bonnye; mongwe le mongwe o tlaa newa boswa jwa gagwe ka fa palong ya ba gagwe ba ba badilweng. ₅₅Le fa go ntse jalo lefatshe le tlaa kgaoganngwa ka go laolwa ka bola; a ba rue ka fa maineng a ditso tsa borraabo. ₅₆A boswa bo kgaoganngwe ka ba bantsi le ka ba bannye ka fa taolong ya bola.”

₅₇Mme Balefi ba ba badilweng ka fa ditshikeng tsa bone ke ba: Ba ga Gerešone, losika lwa Bagerešone; ba ga Kohathe, losika lwa Bakohathe: ba ga Merari, losika lwa Bamerari. ₅₈Tse ke ditshika tsa ga Lefi, losika lwa Balibini, losika lwa Baheberone, losika lwa Bamahali, losikwa lwa Bamuši, losika lwa Bakore. Kohathe a tshola Amerame. ₅₉Leina la mogatsa Amerame e ne e le Jokebete morwadia Lefi, yo Lefi o ne a mmona kwa Egepeto; Jokebete a bona le Amerame Arone, Moše le Miriame kgaitsadia bone. ₆₀Arone a tsala Natabe le Abihu, Eleasare le Ithamare. ₆₁Natabe le Abihu ba swa jale ka ba isa molelo wa seeng fa pele ga Jehofa. ₆₂Ba ba badilweng mo go bone e ne e le 23 000, go simolola ka ba ba kgwedi e le nngwe fela le go ya kwa go bomogolo a bone, lonna lotlhe; gonne ba ne ba se ka ba balelwa mo baneng ba Iseraele, ka ba sa newa boswa mo baneng ba Iseraele.

₆₃Ba ke bone ba ba badilweng ke Moše le Eleasare moperesiti, ba ba badileng bana ba Iseraele mo dipaleng tsa Moabe, fa Joretane kwa Jeriko. ₆₄Mo go bone bao go ne go se na motho ope wa ba ba kileng ba balwa pele ke Moše le Arone moperesiti; ba ba badileng bana ba Iseraele kwa nageng ya Sinai, ₆₅gonne Jehofa o ne a buile ka ga bone, a re: “Ruri ba tlaa swela mo nageng fela.” Ga bo go sa sala motho ope wa bone, fa e se Kalebe morwa Jefune le Jošua morwa Nune.