Pesalema 49

₁Lona ditšhaba tsotlhe,

utlwang mo; sekegang tsebe,

lona banni botlhe ba lefatshe.

₂Go le babotlana le bagolwane,

bahumi le bahumanegi mmogo.

₃Molomo wa me o tlaa bua botlhale;

le go akanya ga pelo ya me

e tlaa nna ka ga tlhaloganyo.

₄Ke tlaa sekegela setshwantsho

tshebe ya me;

ke tlaa rarabolola ka harepe

polelo ya me e e raraanyeng.

₅Ana ke tlaa bo ke boifelang

mo metlheng ya bosula?

Mogang go boikepo jo bo

tlhomereng direthe tsa me

bo ntsenyang gare?

₆Mo go ba ba ikanyang lohumo lwa

bone, ba belafala

ka bontsi jwa dikhumo tsa bone.

₇Ga go na ope yo o ka rekololang

ngwana wa ga rraagwe ka gope,

le fa e le go mo ntshetsa serekololo

go se naya Modimo.

₈(Gonne thekololo ya mowa wa bone

e topo e thata,

e na le go tlhobogwa

ka bosakhutleng;)

₉gore a tle a nne a tshele

ka metlha yotlhe,

gore a se ka a bona go bola.

₁₀Gonne o a bona fa batho

ba ba botlhale ba swa fela,

yo o bosilo le yo o sefolofolo

ba nyalele fela mmogo,

ba tlogelele ba sele khumo ya bone.

₁₁Diphupu tsa bone ke magae a bona

ka bosakhutleng;

ke fa ba nnetseng teng ruri;

le fa ba ne ba ntse

ba kaya mafatshe go re ke a bone.

₁₂Motho ene, a le mo tlotlong

ga a nnele ruri;

o tshwana jaaka diphologolo

tse di nyelelang.

₁₃Mokgwa o wa bone

ke boeleele fela jwa bone,

le fa go ntse jalo e a tle e re morago

ga bone batho ba tle ba dumele

dipolelo tsa bone. Sela.

₁₄Ba laoletswe Bobipo

jaaka letsomane la dinku fela.

Loso o tlaa nna modisa wa bone;

mo mosong bathokgami

ba tlaa nna le puso mo go bone,

le bontle jwa bone bo tlaa nna sejo

sa Bobipo gore bonno jwa jone

bo se ka jwa nna.

₁₅Mowa wa me Modimo

o tlaa o rekolola mo thateng

ya Bobipo,

gonne o tlaa ntshola. Sela.

₁₆O se ka wa boifa fa mongwe

a humisiwa, fa kgalalelo

ya ntlo ya gagwe e totisiwa;

₁₇ka gobo fa a swa,

ga a ketla a ya le sepe;

kgalalelo ya gagwe ga e ketla

e fologela morago ga gagwe.

₁₈Le fa a rile a sa tshedile

a segofatsa mowa wa gagwe,

ka batho le gale ba tle ba go bake

fa o itirela molemo,

₁₉o tlaa ya lesomong la borraagwe;

ga ba ketla ba bona lesedi gope.

₂₀Motho yo o mo tlotlegong,

mme a se na tlhaloganyo,

o tshwana fela le diphologolo tse di

nyelelang.