Pesalema 80

₁A ko o beye tsebe,

wena Modisa wa Iseraele;

wena yo o gogang Josefe

jaaka letsomane; wena

yo o dutseng mo ditšherubeng,

betlamela kwa ntle.

₂Fa pele ga Eferaime, le Benjamine,

le Manase,

tsosa nonofo ya gago,

mme o tle go re boloka.

₃Re buse gape, Modimo o phatsimise

sefatlhogo sa gago,

mme re tlaa bolokwa.

₄Jehofa, Modimo wa masomosomo,

o tlaa nna o galefela morapelo wa

batho ba gago ka lobaka lo lo kae?

₅O ba jesitse bogobe jwa dikeledi,

o ba nositse dikeledi

mo gogolo thata.

₆O re dira kgang mo go bagarona;

mme baba ba rona ba a tshega.

₇Baa o re buse gape,

Modimo wa masomosomo;

o bo o phatsimise sefatlhogo

sa gago, mme re tlaa bolokwa.

₈O ne wa lere mofine wa tswa

Egepeto,

wa leleka merafe, wa o tlhoma.

₉Wa baakanya bonno fa pele ga one,

mme wa melela kwa teng thata,

wa ba wa tlala ka lefatshe.

₁₀Dithaba tsa khurumediwa

ke moriti wa one,

le dikala tsa one tsa nna

jaaka masetara a Modimo.

₁₁Wa ntshetsa dikala tsa one kwa

lewatleng,

le matswela a one kwa Nokeng.

₁₂Ana o rutletseng dikgora tsa one,

jalo botlhe ba ba fetang ka tsela

ba bile ba o hula?

₁₃Kolobe ya sekgwa e a o soboloka,

le diphologolo tsa naga di o hula fela.

₁₄Re a go rapela Modimo wa

masomosomo, baa o bowe;

okomela o le kwa legodimong

o bone, mme o lekole mofine o,

₁₅le thito e seatla sa gago

se segolo se e tlhomileng,

le kala e o e ithatafaleditseng.

₁₆O fisitswe ka molelo, o remilwe;

ba nyelela

ka kgalemo ya sefatlhogo sa gago.

₁₇A seatla sa gago se nne mo

monneng wa letsogo la gago le legolo,

mo go morwa motho

yo o mo ithatafaleditseng.

₁₈Jalo ga re ketla re go hularela;

re rudise,

mme re tlaa bitsa leina la gago.

₁₉Baa o re buse,

Jehofa, Modimo wa masomosomo;

phatsimisa sefatlhogo sa gago,

mme re tlaa bolokwa.